АБНА24 Хәбәр Верир, Әли Багири өлкәнин ракет програмы вә тәһлүкәсизлији илә бағлы данышыглары рәдд едәрәк дејиб ки, Вјана данышыгларында мәгсәд БМТ гәтнамәләринә зидд олараг Ирана гаршы тәтбиг едилән санксијалары арадан галдырмагдыр.
Иранлы рәсми Британијанын "Ҝуардиан" гәзетинә вердији мүсаһибәдә билдириб: "Ирана АБШ-ын 2015-ҹи илдә дүнја ҝүҹләри илә имзаланмыш нүвә сазишиндән чыхмајаҹағына даир өһдәлик лазымдыр. Иран вә БМТ Тәһлүкәсизлик Шурасынын диҝәр имзачылары арасында Вјанада АБШ-ын санксијаларынын ҝөтүрүлмәси вә Иранла тиҹарәтә әмәли тәсир ҝөстәрмәсинин тәсдиги үчүн данышыглар давам едир. Бизим јохламаја еһтијаҹымыз вар вә бу проблем һәлл олунмамыш галыр. Бу һәлә јекунлашмамыш мөвзулардан биридир. Мүгавиләнин имзаланмасы кифајәт дејил".
"Ҝуардиан" ону да јазыб ки, Багири АБШ-ын мүгавиләјә садиг галаҹағына даир зәманәтлә бағлы Иранын мөвгејини мүдафиә едиб: "Бу сијасәт дејил, разылашмадыр. АБШ-ын атдығы аддымлар бејнәлхалг һүгуга зиддир". Багири, һәмчинин Иранын нүвә програмыны инкишаф етдирмәк үчүн данышыглары бәрпа етмәкдән имтина етдијини дә тәкзиб едиб вә дејиб: "Тәбиидир ки, јени һөкумәтин данышыглар мөвгејини һазырламаг вә диҝәр партијаларла икитәрәфли данышыглар апармаг үчүн вахта еһтијаҹы вар. Нүвә сазиши конкрет чәрчивәјә маликдир вә башга мәсәләләрлә бағлы дејил. Биз мүдафиә вә ја тәһлүкәсизлијимизлә бағлы данышыглар апармајаҹағыг", - дејә Әли Багири билдириб.
342/
13 noyabr 2021 - 11:22
Xəbər kodu: 1197981
Иран хариҹи ишләр назиринин мүавини билдириб ки, Вјана данышыгларынын мәгсәди Ирана гаршы гејри-гануни санксијалары арадан галдырмагдыр.
