АБНА24 Хәбәр Верир, Исраил Кнессетинин бир груп мүхалифәт үзвү гондарма ермәни сојгырымынын рәсми танынмасы вә 24 апрелин “Аным Ҝүнү” кими тәсис едилмәси һаггында ганун лајиһәсини тәгдим едиб. Бу барәдә “Жерусалем Пост” мәлумат јајыб.
Ганун лајиһәсинин мүәллифләри “Шас” партијасындан олан депутатлар Јааков Марги, Һаим Битон, Моше Арбел, һәмчинин “Јесһ Атид” партијасындан олан депутатлар Јулиј Еделштејн, Исраел Катз вә Јоав Кишдир.
Хатырладаг ки, Кнессетдә ишғалчы Исраил режиминин Ермәни Сојгырымыны рәсмән танымасы ҹәһди илк дәфә дејил.
2018-ҹи илдә Меретз МК Тамар Зандберҝ адлы депутат ермәни сојгырымынын танынмасы үчүн ганун лајиһәси тәклиф етди, лакин һөкумәтин мүгавимәти сәбәбиндән ганун лајиһәси ләғв едилди.
2019-ҹу илдә Јаир Лапид вә Ҝидеон Са'ар кими Кнессетин бир сыра нүфузлу үзвләри бу аддымы дәстәкләдикләрини билдирдиләр, лакин һөкумәтин дәстәјинин аз олмасы сәбәбиндән јенә дә давам етмәди.
Мүшаһидәчиләр билдирирләр ки, Исраил һөкумәти бу јолла Түркијәнин вә һәмчинин Азәрбајҹанын бојнуна миннәт гојдуғу тәәссүратыны јаратмаға чалышыр вә реҝионда јашанан ҝеополитик ојунлар фонунда бунун вахтынын һәлә јетишмәдијини һисс едир; әслиндә исә Америка кими о да ермәниләрин тәәссүбүнү чәкир. Она ҝөрә дә нә вахтса гондарма сојгырымынын Исраил тәрәфиндән дә танынаҹағы истисна едилмир. Неҹә ки, Бајден һөкумәти јәһуди лобби тәшкилатлатынын исрары илә ону таныды. Бу реаллығы нәзәрә алараг нә Түркијәнин, нә дә Азәрбајҹанын сојгырым ојунундан еһтијатланараг сахта Исраил режиминә баҹ вермәләринә, онун фитнәләри гаршысында ҝүзәштә ҝетмәләринә лүзум јохдур.
342/
11 noyabr 2021 - 16:22
Xəbər kodu: 1197703
Сионист Исраил режиминин парламенти-Кнессетинин мүхалифәтдән олан үзвләри “ермәни сојгырымы”нын танынмасы илә бағлы ганун лајиһәсини тәгдим едибләр.
