Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Теһранда 8 нојабр - Зәфәр Ҝүнү илә бағлы Азәрбајҹанын Иран Ислам Республикасындакы сәфирлији тәрәфиндән рәсми гәбул тәшкил олунуб.
Тәдбирдә Иран Ислам Республикасы Хариҹи Ишләр Назирлијинин вә диҝәр дөвләт гурумларынын рәсми шәхсләри, хариҹи өлкәләрин Ирандакы сәфирләри, һәрби атташеләри вә дипломатлары, зијалылар, сәнәт адамлары, Теһранда јашајан азәрбајҹанлылар, күтләви информасија васитәләринин вә иҹтимаијјәтин нүмајәндәләри иштирак едиб.
Азәрбајҹанын Ирандакы сәфири Әли Әлизадә 44 ҝүнлүк Вәтән мүһарибәсинин һәр бир ҝүнүнүн шанлы тарих олдуғуну билдириб...
Һазырда ишғалдан азад едилмиш торпагларда сүрәтли гуруҹулуг вә бәрпа ишләринин апарылдығыны вурғулајан сәфир Әли Әлизадә, Азәрбајҹанын бејнәлхалг һүгуга, әрази бүтөвлүјү вә бејнәлхалг сәрһәдләрин тохунулмазлығы принсипләринә ҹидди риајәт едилмәси әсасында Ермәнистанла мүнасибәтләри нормаллашдырылмаға һазыр олдуғуну вурғулајыб.
Зәфәр Ҝүнүнүн Азәрбајҹан милләти үчүн әламәтдар вә тарихи ҝүн олдуғуну билдирән сәфир Әли Әлизадә бу ҝүнүн Иранда гејд олунмасынын да хүсуси әһәмијјәт кәсб етдијини вә Иранын јахын гоншу өлкә олараг Азәрбајҹанын әрази бүтөвлүјүнү даим дәстәкләдијини гејд едиб, Зәфәр Ҝүнү мүнасибәтилә тәбрикләрә ҝөрә Иран Хариҹи Ишләр Назирлији вә һөкумәтинә тәшәккүрләрини чатдырыб.
Рәсми гәбул зијафәтин верилмәси вә сәфирлијин әмәкдашларынын өвладларынын вә “Ајлан” рәгс групунун “Гарабағ”, “Иҝидләр” вә диҝәр кими Азәрбајҹан халг рәгсләринин, еләҹә дә Азәрбајҹана аид мүхтәлиф видеочархларын нүмајиши илә давам етдирилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
