АБНА24 Хәбәр Верир, Тһе Ҹрадле Порталы хәбәр верир: Бајден администрасијасы өтән ај кечирилән парламент сечкиләри өнҹәси Әрдоғандан Ирагда сүнни сијаси коалисијасынын јарадылмасына көмәк истәјиб.
Бунун ардынҹа Ираг парламентинин сәдри, һәм дә “Әзм” коалисијасынын лидери Мәһәммәд әл-Һәлбуси 3 октјабр 2021-ҹи ил тарихиндә Анкарада Түркијә президенти Рәҹәб Тәјјиб Әрдоғанла ҝөрүшүб. Ҝөрүшдә, еләҹә дә Әл-Тәгәддүм Партијасынын лидери вә бизнес магнаты Хәмис Әл-Хәнҹәри дә иштирак едиб. Беләликлә дә онлар ики сүнни сијаси рәгиб олараг һәлледиҹи сәсвермәјә сајылы ҝүнләр галмыш Түркијә рәһбәринин гәбулунда олублар.
Нәшр иддиа едир ки, бу ҝөзләнилмәз сәфәр бирбаша Ағ Евдән тәшкил едилибдир, чүнки Бајден администрасијасы Әрдоғанын мәшһур шиә партијаларына гаршы Әл-Һәлбуси вә Әл-Хәнҹәринин иштиракы илә ваһид сүнни ҹәбһәсини јаратмаг үчүн тәсир едә биләҹәјинә үмид едирдиләр.
Бунун мүгабилиндә Әрдоғанын Вашингтондан Бирләшмиш Әрәб Әмирликләри тәрәфиндән АБШ-ын ҝөстәриши илә Түркијәјә 15 милјард доллар сәрмајә тәләб етдији билдирилир.
Мәлуматда гејд олунур ки, сәфәрдән сонра Ирагын сијаси лидерләри “бөлҝәдәки сијаси вәзијјәти вә Ирагла Түркијә арасында игтисади әлагәләрин әһәмијјәтини” мүзакирә едибләр.
Јајылан хәбәрләр ону да ҝөстәрир ки, АБШ һөкумәти сечкиләрдән сонра Түркијәнин көмәји илә бүллетенләрин нәтиҹәләринә сүнни групларын хејринә тәсир ҝөстәрмәјә чалышыб.
Бу контекстдә АБШ-ын Ирагын дахили ишләринә гарышмаға давам етмәк мејлини нәзәрә алараг, бу илин сонунда 18 иллик ишғалдан сонра өз дөјүш гошунларыны Ирагдан чыхармаг барәдә вердији сөзә садиг галыб-галмајаҹағы илә бағлы нараһатлыглар артыр.
342/
7 noyabr 2021 - 19:33
Xəbər kodu: 1196481
Түркијә президенти Ағ Евин ҝөстәриши илә Ираг сечкиләринә тәсир ҝөстәрмәјә чалышыб.
