АБНА24 Хәбәр Верир, мүзакирәләр заманы витсе-спикер Әли Һүсејнли билдириб ки, амнистија 16-17 мин адама шамил олунаҹаг, онлардан 3 мини һәбсханадан чыхаҹаг.
Јерли һүгуг- мүдафиәчиләринин мәлуматына ҝөрә, амнистија 100-дән чох сијаси мәһбуса шамил олунмајаҹаг, јалныз Икинҹи Гарабағ Мүһарибәси вә Азәрбајҹанын суверенлијинин горунмасы үзрә диҝәр һәрби әмәлијјатларын иштиракчыларыны әһатә едәҹәк.
Амнистија акты Хоҹалы сојгырымы нәтиҹәсиндә әлил олмуш шәхсләрә, Хоҹалыда һәлак олан вә ја иткин дүшән шәхсләрин јахын гоһумларына, 1948-1953-ҹү вә 1988-1989-ҹу илләрдә Ермәнистандан депортасија олунмуш шәхсләрә дә шамил едиләҹәк.
Һәмчинин ССРИ Силаһлы Гүввәләринин тәркибиндә бејнәлмиләл борҹуну јеринә јетирмиш вә ја өлкәнин Силаһлы Гүввәләринин сүлһмәрамлы әмәлијјатларында иштирак етмиш шәхсләр, һабелә һәлак олан вә ја иткин дүшән шәхсләрин гоһумлары да амнистијаја дүшәҹәк.
Амнистија Икинҹи Дүнја Мүһарибәси иштиракчыларына, еләҹә дә һәлак оланларын вә иткин дүшәнләрин јахын гоһумларына да шамил олунаҹаг.
Кечмиш ССРИ-дә сијаси репрессијалара мәруз галмыш вә сонрадан сәлаһијјәтли органларын гәрарлары илә бәраәт алмыш шәхсләр, һабелә онларын јахын гоһумлары да амнистијаја дүшәҹәк.
Амнистија Чернобыл Атом Електрик Стансијасында баш вермиш гәзанын нәтиҹәләринин арадан галдырылмасында иштирак едәнләрә вә онларын гәјјумларына да шамил олунаҹаг.
Һәмчинин амнистија диҝәр категоријадан олан шәхсләрә, әсасән бөјүк иҹтимаи тәһлүкә кәсб етмәјән ҹинајәтләрә ҝөрә мәһкум олунанлара да шамил едиләҹәк.
Амнистија 4 ај әрзиндә иҹра едиләҹәк.
34/
6 noyabr 2021 - 12:28
Xəbər kodu: 1196029
Нојабрын 5-дә Милли Мәҹлис амнистија актыны гәбул едиб. Амнистија акты 8 нојабр Зәфәр Ҝүнү мүнасибәтилә президент Илһам Әлијевин тәшәббүсү илә тәгдим олунуб.
