Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасына һаким кәсилмиш Гәбилә башчысы Илһамын Пандора сәнәдләри илә бағлы изаһаты сосиал медиа истифадәчиләрини гане етмәјиб.
Белә ки, сијаси фәал Һәбиб Мүнтәзир өз фејсбук пајлашымында јазыр: Илһам Әлијев өзү вә аиләсинин хариҹдәки бизнес вә мүлкләрини фактларла сүбут едән "Пандора Сәнәдләри" илә әлагәдар иддиалара ҹаваб вермәјә чалышыб:
1. Дөвләт башчысы дејир ки, 18 ил президентликдән әввәл саһибкар олуб. Хејр. Президент олмадан әввәл депутат иди. Азәрбајҹан ганунвериҹилијинә әсасән президент, витсе-президент, назирләр, депутатлар, иҹра башчылары, һакимләр саһибкарлыг вә өдәнишли фәалијјәтлә, о ҹүмләдән коммерсија фәалијјәтилә мәшғул ола билмәзләр.
2. Илһам Әлијевин аилә үзвләринин саһиб олдуғу ширкәтләр оффшор зоналарда гурулуб. Бүтүн бунлар сәнәдләрлә, фактларла өз әксини тапыб. Бу да о демәкдир ки, бу ширкәтләр ганунсуз чиркли пулјума әмәлијјатларында иштирак едибләр вә һеч дә Илһам Әлијевин дедији кими шәффаф дејилләр.
3. Өлкәдә азад саһибкарларын һүгуглары тапдандығы һалда, онлара әдаләтли шәраит јарадылмадығы һалда, һәр шејин монополија, инһисара алындығы һалда, икили стандартларла президентин гоһумлары вә аилә үзвләринә мәнсуб ширкәтләр, һолдингләр газ вуруб, газан долдурурса, бурада һеч бир шәффафлыгдан, ганунаујғунлугдан сөһбәт ҝедә билмәз.
Диггәт: Хәбәрдән Истифадә Етдикдә Мәнбәјә Истинад Лазымдыр!
