Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ираг Шиә Партијаларынын Әлагәләндирмә Чәрчивәси, 13 октјабр Чәршәнбә ахшамы Ираг Ҹүмһуријјәтиндә кечирилән парламент сечкиләриндә сәсләрин һесабланмасы илә бағлы бир бәјанат верди вә елан едилән нәтиҹәләри бир даһа рәдд етди.
“Әл-Иттар әл-Стратеҝија Ли Тәкәттул Шии” адлы верилән мүштәрәк ачыгламада дејилир: "Даһа әввәл бир сыра техники мәлуматлар сәбәбијлә сечкинин илкин нәтиҹәләрини гәбул етмәдијимизи билдирмишдик.
Һәгигәтләрин бәјан олунмасында едилән диггәтсизлик вә нәтиҹәләрин елан едилмәсиндәки һәрҹмәрҹлик бизим сечки комиссаријасына олан шүбһәләримизи даһа да артырды.
Бу, елан едилән нәтиҹәни бир даһа рәдд етмәјимизә сәбәб олур вә хәбәрдарлыг едирик ки, бу просесин давам етмәси вәтәндаш сүлһүнә тәһлүкә јарадыр.”
Шиә партијалары үчүн координасија чәрчивәси (әрәбҹә орижинал ады: “Әл-Иттар әл-Стратеҝија Ли Тәкәттул Шии”) коалисијалар вә сечки сијаһыларына дахилдир ки, бунлар Әл-Фәтһ, Һүгуг Дөвләти, Әсаибу Әһли-Әл-Һәгг, Кәтаибу Һизбуллаһ вә диҝәр бәзи Шиә партијалары вә һәрәкатларыны еһтива едир.
Диггәт: Хәбәрдән Истифадә Етдикдә Мәнбәјә Истинад Лазымдыр!
