АБНА24 Хәбәр Верир, Иранын сионист режимин Азәрбајҹан әразисиндәки һәрби фәалијјәтләри барәдәки рәсми мөвгејинә ҹаваб олараг Азәрбајҹан Республикасы президенти Ҹәбрајылда етдији чыхышында буну тәкзиб етди вә Азәрбајҹаны бу саһәдә иттиһам етмәјин гәбулолунмаз олдуғуну деди.
Јәгин Иран өз иддиасы илә әлагәдар рәсми Бакыја фактларыны да тәгдим етмишдир.Елә бу истигамәтдә Иранын хариҹи ишләр назири Һүсејн Әмир Абдуллаһијан сон ҝүнләр Әл-Минар телеканалына вердији мүсаһибәдә бу барәдә Азәрбајҹана дипломатик каналлардан мүраҹиәт олундуғуну вә мүвафиг ҹаваб да алындығыны демишдир.
Анҹаг Азәрбајҹан Республикасы ХИН сөзчүсү Лејла Абдуллајеванын 11 октјабр ҹавабы еләҹә дә Азәрбајҹан Дөвләт Сәрһәд Хидмәтинин бәјанаты башга мәнзәрә јаратды. Һансы ки бу бәјанатларда мөвзу үмумијјәтлә тәкзиб едилди.
Иранын Азәрбајҹан торпагларындан Исраилин һәрһансы дүшмәнчилик һәрәкәтләриндән ниҝаран олмаға әсасы вармы?
Туран Информасија Аҝентлијинин рәһбәри Меһман Әлијев ББҸ-јә вердији мүсаһибәдә дејир ки, Азәрбајҹан Республикасынын Исраил режими илә тәһлүкәсизлик әмәкдашлыглары инкаредилмәздир вә Исраилин јүксәк рүтбәли забитләриндән ибарәт мәркәз Азәрбајҹан Республикасында фәалијјәт ҝөстәрмәкдәдир. О ејни заманда Иранын нүвә тәсисатларыны һәдәфә алан Исраил ПУА-сынын Азәрбајҹандан галхмыш олмасына даир Иранын дедикләринин рәсми Бакы тәрәфиндән тәкзим олунмадығына да диггәт чәкиб.
Иран белә бир тәҹрүбәјә әсасланараг Исраил режиминин Азәрбајҹан Республикасындакы һәрби фәалијјәтләринә дөзмәјәҹәјини билдирир. Меһман Әлијев истәр мүһарибә дөврүндә истәрсә дә мүһарибәдән сонра Азәрбајҹан илә Исраил режими арасындакы тәһлүкәсизлик әмәкдашлыгларындан Иранын хәбәри олдуғуну дејир.
Инди Иранын Исраилин Азәрбајҹан Республикасындакы һәрби фәалијјәтләриндән хәбәри варса вә кечмишдә дә бу режим тәрәфиндән өзү дә Азәрбајҹан Республикасы әразиси васитәси илә һүҹума мәруз галыбса Иранын ниҝаранчылығы башадүшүләндир. Һәм дә Сионист Исраил режиминин нүвә сазишинә гаршы тутдуғу мөвгеји вә дилә ҝәтирдији тәһдидләр дә бу ниҝаранчылыға әсас верир.
342/
