АБНА24 Хәбәр Верир, Хәтибзадә Азәрбајҹан Республикасы илә Иран арасындакы ҝәрҝинликлә бағлы дејиб: "Теһран-Бакы мүнасибәтләри нормал сәвијјәдәдир вә онлары позмаг анормал һалдыр".
О, ики өлкә арасындакы дәрин бағлара тохунараг, әлавә едиб: "Иран нараһатлыгларыны дилә ҝәтириб вә бу нараһатлыглар ики өлкә арасындакы меһрибан гоншулуг вә јахшы әлагәләр контекстиндәдир. Әлбәттә Азәрбајҹандакы достларымыз һәмишә бу нараһатлыглары арадан галдыраҹагларыны сөјләмишләр. Бизим әсас принсипимиз гардашҹасына давранышдыр. Азәрбајҹан Республикасы илә Ермәнистан арасындакы мүһарибә заманы да сәјимиз диалог иди. Јахшы гоншулуг ҝөзләјирик. Һава мәканы вә гуру сәрһәдләр ачыгдыр. Рәсмиләрин әдәбијјаты ҝәрҝинлији артырмамалыдыр".
Иран Хариҹи Ишләр Назирлијинин сөзчүсү дејиб: "Иран һеч вахт һава саһәсини Азәрбајҹан Республикасы үчүн бағламајыб. Гуру сәрһәди дә ачыгдыр вә мүбадиләләр һәјата кечирилир. Ики тәрәф үчүнҹү шәхсләрин мүнасибәтләрә тәсир етмәсинә иҹазә вермәмәлидир".
Хәтибзадә Иран Ислам Республикасы Ордусунун Азәрбајҹан Республикасы илә сәрһәддә кечирдији сон тәлимлә әлагәдар дејиб: "Өлкәнин шимал -гәрбиндә кечирилән һәрби тәлимләр барәдә Азәрбајҹан Республикасы да дахил олмагла бүтүн әлагәдар өлкәләрә мәлумат верилмишди, бу гоншулуғун ајдын принсипләриндәндир".
О, Иран-Ермәнистан данышыглары вә Азәрбајҹан үзәриндән кечән транзит маршрутунун дәјишдирилмәси илә бағлы суала ҹаваб олараг, дејиб: "Биз һеч вахт һеч бир өлкә илә маршурутун дәјишдирилмәсини мүзакирә етмәмишик, анҹаг малларымызын әзијјәтсиз ҝөндәрилмәси бизим диггәт мәркәзимиздәдир".
Хариҹи Ишләр Назирлијинин сөзчүсү әлавә едиб: "Иранын һеч бир мүгавиләси бир өлкәни әвәз етмәк, бағламаг вә ја она гаршы чыхмаға јөнәлмәјиб. Иран меһрибан гоншулуг принсипинә әсасән, һеч бир гоншусуну диҝәр гоншу илә әвәз етмәк нијјәтиндә дејил".
Хәтибзадә, Әмир Абдуллаһјанын Бакыја сәфәр едиб-етмәјәҹәји илә бағлы суалын ҹавабында дејиб: "Нју-Јоркда Азәрбајҹан Республикасынын хариҹи ишләр назиринин игамәтҝаһына ҝетдик. Лазым олан сәфәрләр һәјата кечириләҹәк. Өнәмли олан ики өлкә арасында бүтүн сәвијјәләрдә әлагәләрин олмасыдыр".
Јүксәк вәзифәли дипломат Иранла Азәрбајҹанын мүнасибәтләринин перспективи илә бағлы суалын ҹавабында дејиб: "Азәрбајҹан Республикасы илә стратежи әлагәнин бүтүн компонентләри мөвҹуддур вә пајтахтларын сијаси ирадәси дә буна јөнәлиб. Үмид едирик ки, бу әлагәләр даһа да инкишаф едәҹәк. Бу истигамәтдә сәмими, ачыг вә нет данышыглар бизә көмәк едәҹәк".
Иранын Хариҹи Ишләр Назирлијинин мәтбуат катиби "3+3" тәшәббүсүнүн һәјата кечирилмәсинин сон вәзијјәти илә бағлы дејиб: "Ермәнистанла Азәрбајҹан Республикасы арасындакы мүһарибә заманы бу тәшәббүс ирәли сүрүлдү вә Иран да буну мүсбәт гаршылады. О вахт бир өлкә бу тәшәббүсү һәјата кечирмәјә һазыр дејилди, һәтта бу тәшәббүсүн "3 + 2" форматында һәјата кечирилә биләҹәјини сөјләдик. Иран бу платформаны вә диҝәр форматлары һәјата кечирмәјә һазырдыр. Гафгаз мәсәләләри дипломатик механизм чәрчивәсиндә ирәли апарылмалыдыр".
Иранын дипломатија апаратынын сөзчүсү Русијанын хариҹи ишләр назиринин Хәзәр конвенсијасынын Иран тәрәфиндән ратификасија едилмәмәсиндән ҝилејләнмәси илә бағлы суалын ҹавабында дејиб: "Бу конвенсија мүзакирә едилди вә разылашдырылды. О, имзаландығы ҝүндән етибарән гүввәјә миниб, лакин ратификасија просеси өлкәдән өлкәјә фәрглидир. Иранда бу конвенсија парламент тәрәфиндән тәсдигләнмәлидир вә парламентдә бу конвенсијанын ратификасија едилмәсинин демократик мәрһәләләри кечирилмәлидир".
342/
12 oktyabr 2021 - 11:28
Xəbər kodu: 1188119
Иран Ислам Республикасынын Хариҹи Ишләр Назирлијинин мәтбуат катиби бу ҝүн журналистләрлә кечирдији мәтбуат конфрансында Иранла Азәрбајҹан арасындакы сон мүнагишәләр вә ики өлкә арасындакы әлагәләрин перспективи илә балы суаллары ҹавабландырыб.
