“Һәрби тәлимләрлә сионистләрә вә террорчулара месаж верилди”

АБНА24 Хәбәр Верир, Һүсејн Әмир-Абдуллаһијан билдириб: “Гарабағын азад едилмәси ҹәрәјанында хошаҝәлмәз һадисәләр баш верди вә террорчу үнсүрләрдән бир групу бөлҝәјә ҝәтирилди. Сионист режим исә чалышды ки, јаранмыш фүрсәтдән максимум дәрәҹәдә суи-истифадә етсин. Онлар Азәрбајҹан Республикасынын бәзи јерләриндә јерләшдирилдиләр. Биз дипломатик каналларла сијаси, һәрби вә тәһлүкәсизлик сәвијјәдә өз нараһатлығымызы чатдырдыг. Вә Азәрбајҹан рәсмиләринә дејилди ки, ишғал олунмуш рајонларын азад едилмәсини дәстәкләјирик вә икитәрәфли әлагәләрин инкишафына өнәм веририк, лакин гондарма сионист режим үнсүрләринин Иран сәрһәдләри јахынлығында варлығына дөзә билмәрик вә бу гәтијјән јолверилмәздир.”

Онун сөзләринә ҝөрә, Азәрбајҹанда бәзи хариҹи мүдахиләләр Иран үчүн ајдын мәсәләдир. Бунлар чох да узаг олмајан ҝәләҹәкдә Азәрбајҹан дөвләтинә вә сионистләрә проблем јарадаҹаг. Сон ҝүнләр сионистләрин вә террорчуларын әмәлләринә ҹаваб олараг һәрби тәлимләрин кечирилмәси илә сионистләрә вә террорчулара месаж верилди.

Иранлы назир сонра Азәрбајҹанын Теһрандакы јени сәфири илә ҝөрүшдә дедикләрини дә ифадә едиб. “Сәфирә билдирдим ки, сизин шәраитинизи дәрк едирик, сионизмин вә терроризмин сизин өлкәдә сизә вә гоншу өлкәләрә гаршы тәһлүкәсини дәрк едирик. Хариҹи ојунчуларын ики өлкә мүнасибәтләринә хәләл ҝәтирмәсинә имкан вермәмәлијик”, дејә Әмир-Абдуллаһијан вурғулајыб.

Иран хариҹи ишләр назири сөһбәтинин давамында Азәрбајҹан президенти Илһам Әлијевин Иранла бағлы негатив фикирләр сөјләдијинә хатир дипломатик каналларла етираз едилидијини билдириб вә дејиб ки, тезликлә транзит проблеминин һәлли барәдә данышыглара башланылаҹаг вә Азәрбајҹан јолу илә Ермәнистана ҝет-ҝәл едән јүк машынларынын проблеми өз һәллини тапаҹагдыр.

Назир бунунла бағлы гејд едиб: “Нју-Јоркда азәрбајҹанлы һәмкарыма ачыг шәкилдә билдирдим ки, Иранын јүк машынларындан рүсүм алынаҹагса, бу, бизә хәбәр верилмәлидир. Сүрүҹүләрин сахланылмасы гәбуледилмәздир вә мүсбәт давраныш сајыла билмәз.”

Әмир-Абдуллаһијан сонда сәрһәдләрин дәјишдирилмәсинә иҹазә верилмәјәҹәјини сөјләјиб вә дејиб ки, Иран Азәрбајҹан Республикасынын бөјүк гоншусудур вә бу мәсәлә рәсми Бакынын диггәтинә чатдырылыб. Бөлҝәдә сәрһәдләрин дәјишдирилмәсинә имкан верилмәјәҹәк.

342/