АБНА24 Хәбәр Верир, Сејид Аббас Мусәви «Тренд Нјус»ла мүсаһибәдә дејиб ки, Иран биринҹи вә икинҹи Гарабағ мүһарибәләриндә Азәрбајҹан Республикасынын халгы вә дөвләтинин кәнарында дурду вә бу вәзијјәт давам етмәкдәдир.
«Иран Ислам Ингилабынын Бөјүк Рәһбәри һәгигәт вә әдаләтә әсасланан бир мөвге сәрҝиләјиб вә бүтүн Иран рәсмиләри бу мөвгени һәјата кечирибләр. Бу әсасда чох севинирик ки, Азәрбајҹан Республикасынын бөјүк гәләбәсинин биринҹи илдөнүмүнә јахынлашырыг.»- дејә, Иран сәфири сөјләјиб.
Иранын Бакыдакы сәфири дејиб ки, Иран, Азәрбајҹан Республикасы халгынын севинҹинә шәрикдир, чүнки Азәрбајҹан Республикасы отуз ил әзијјәтдән сонра әрази бүтөвлүјү үзрә гануни һаггына чатыб.
Мусәви вурғулајыб ки, Иранын хариҹи сијасәти һәр һансы ишғал вә сепаратчылыгла мүхалиф олан бир нечә принсипә әсасланыр.
«Ислам Ингилабынын Бөјүк Рәһбәри өтән ил ачыг шәкилдә елан етдиләр ки, Азәрбајҹан Республикасынын әрази бүтөвлүјү горунмалы вә Ермәнистан тәрәфиндән ишғал олунмуш бүтүн әразиләр Азәрбајҹан Республикасына гајтарылмалыдыр.»-дејә, Мусәви билдириб.
342/
28 sentyabr 2021 - 14:12
Xəbər kodu: 1183974
Иранын Бакыдакы сәфири дејиб ки, Иран Ислам Республикасы Азәрбајҹан Республикасынын халгы вә дөвләтинин кәнарындадыр вә бу өлкәнин гәләбәсинә севинир.
