АБНА24 Хәбәр Верир, мүсәлманлар мәһәррәм ајынын илк 10 ҝүнү вә Әрбәин ҝүнүнү хүсуси әзадарлыг ҝүнләри кими гејд едирләр. Кәрбәла шәһидләринин матәмини 40 ҝүн гејд етмәк әнәнәсинин јаранма тарихи Ашура һадисәсинин баш вердији һиҹри 61-ҹи иллә бағлыдыр.
Һәр ил мүсәлманлар Әрбәин ҝүнүндә Нәҹәфдән Кәрбалаја 80 км јолу пијада гәт едәрәк, Имам Һүсејнин фәдакарлығыны, гәһрәманлғыны вә онун Әһли-бејтинин ҝөрдүјү мәшәггәтләри анырлар.
Әрбәин јүрүшү Ислам үммәтинин сон мәгәсдинин реаллашмасына, јәни јени вә бөјүк Ислам мәдәнијјәтинин тәшәккүлүнә зәмин јарадыр. Бу ҹәһәтдән шиә вә сүнни олмасындан асылы олмајараг мүсәлманлар вә диҝәр милләт вә халглар арасында мөһкәм бағлылыглар бу јүрүшдә даһа чох мүшаһидә олунур.
Гејд едәк ки, өтән илки кими бу илдә дә Әрбәин мәрасими башга иҹтимаи ајинләр кими коронавирус пандемијасына ҝөрә мәһдудијјәтләр тәтбиг едилмәклә кечирилир. Бу ил Әрбәин зијарәтиндә Ираг әһалисиндән әлавә тәгрибән 150 мин ҹиварында хариҹи зәвварын; о ҹүмләдән 50 мин иранлы вә 700 азәрбајҹанлы зәвварын гатылдығы дејилир.
Һәр ил Әрбәин зијарәтинә Азәрбајҹан Республикасындан он минләрлә зәввар јолланырды. Лакин бу ил коронавирус пандемијасына ҝөрә мәһдуд сајда зәввар јалныз һава јолу илә Кәрбәлаја јола дүшүбләр. Бу илин Әрбәин ҝүнү 44 ҝүнлүк Гарабағ мүһарибәсинин башладығы ҝүнә вә шәһидләрин аным ҝүнүнә тәсадүф едир. Мәһз белә бир ҝүндә Имам Һүсејн ашигләри олан инанҹлылар фәдакарлығы Гарабағ ҹәбһәси јолунда ахтармаға башладылар. Сәфәрбәрлик башлајан ҝүндән инанҹлыларын хүсуси активлији ачыг ашкар ҝөрүндү. Имам Һүсејн фәдакарлығы вә шәһадәт мәктәби бир даһа тарихдә өз изини бурахды вә бу шәһидлик руһијјәси сајәсиндә једди рајон вә Шуша ермәни ишғалындан азад едилди.
342/
27 sentyabr 2021 - 11:23
Xəbər kodu: 1183533
Һиҹри-гәмәри тәгвими илә сәфәр ајынын 20-си дүнја мүсәлманларынын үчүнҹү имамы Һәзрәт Имам Һүсејнин (ә) шәһид едилмәсинин 40-ҹы ҝүнүнә тәсадүф едир.
