АБНА24 Хәбәр Верир, Һүсејн Әмир Абдуллаһијан журналистләрлә бу ҝөрүшдә, нүвә анлашмасы илә бағлы АБШ-ын бир тәрәфдән нүвә анлашмасына гајытмағын ваҹиблијини вурғулајараг, Ирандан Вјана данышыгларына гајытмасыны истәдији бир һалда, диҝәр тәрәфдән, Ирана гаршы јени санксијалар тәтбиг етдијини бәјан едәрәк, бу давранышын парадоксал олдуғуну вә конструктив бир месажы дашымадығыны сөјләјиб.
Әмир Абдуллаһијан, АБШ президенти Ҹо Бајденин һакимијјәтә ҝәлдикдән сонра зиддијјәтли ачыгламалардан башга һеч бир конструктив һәрәкәт етмәдијини гејд едәрәк, дејиб: "Рәсми Теһран Бајденин практики давранышына әсасән гәрар верәҹәк".
Иран Ислам Республикасынын хариҹи ишләр назири, Иранын јени һөкумәтинин ишә башладығы андан етибарән нүвә анлашмасы илә бағлы мүзакирәләрин давам етдирилмәси ваҹиблији, Әһатәли Мүштәрәк Тәшәббүс Програмындан узаглашмамаг вә бүтүн тәрәфләрин нүвә анлашмасына ҝери дөнмәсинә даир ачыг вә бирмәналы сијасәтини елан етдијини хатырладараг, бу пәнҹәрәнин һәмишәлик ачыг олмајаҹағыны сөјләјиб.
Әмир Абдуллаһијан реҝионал мәсәләләрлә бағлы да Фарс Көрфәзиндә мүзакирәләрин ҹәрәјан етмәсини, Сурија вә Јәмәндә сүлһүн тәмин едилмәси үчүн конструктик тәшәббүсләри, һәмчинин Әфганыстанда әһатәли бир һокумәтин гурулмасыны вә Ирагын инкишаф вә тәрәггисини Иранын хариҹи сијасәтинин приоритетләри адландырыб.
342/
26 sentyabr 2021 - 14:25
Xəbər kodu: 1183346
Иран Ислам Республикасынын хариҹи ишләр назири ҹүмә ҝүнү Нју Јоркда АБШ медиасынын нүмајәндәләри илә ҝөрүшүндә, Иранын јени һөкумәтинин Вјана данышыгларыны нәзәрдән кечирдијини бәјан едәрәк, гејд едиб ки, Вјана данышыгларынын нәтиҹәсини АБШ-ын давранышлары мүәјјән едәҹәк.
