АБНА24 Хәбәр Верир, Әһмәд Мәсуд сосиал шәбәкәләр васитәсилә етдији сон мүраҹиәтиндә дејиб: "Пәнҹширдәки мүгавимәт Әфганыстанда башыуҹалыг, сағламлыг, мүстәгиллик, азадлыг вә әдаләт наминә башлајыб вә һәлә дә давам едир.
Әһмәд Мәсуд әлавә едиб: "Пәнҹшир вә Әндәрабдакы мүгавимәт сон ана гәдәр вә Әфганыстан азад олунана вә халг гәләбә газанана гәдәр давам едәҹәк, биз гардашларымызын јанындајыг вә һәр һансы силаһлы үсјаны вә ја халг етиразларыны дәстәкләјирик".
Әһмәд Мәсуд, һәмчинин халгы "Талибан"а гаршы үсјана чағырыб вә Пәнҹширин, үсјанчыларын јанында олаҹағыны вә сәсләрини уҹалдаҹағыны сөјләјиб.
Талибан мүхалифәтинин лидери сөзләринин давамында дејиб: "Бејнәлхалг иҹтимаијјәтә мүраҹиәтим будур ки, јанлыш бир фүрсәт јарадараг, талибләрә сијаси етибар вердиниз вә бу груп да сијаси ҹәсарәт тапды, Талибан нәинки дәјишмәјиб, һәтта кечмишә нисбәтән даһа ифратчы вә тәәссүбкеш олуб".
Әһмәд Мәсуд, Талибанын сыраларында олан әфган ҝәнҹләри тәнгид едәрәк, вурғулајыб: "Әлиниз халгынызын ганына булашыб, амма сәһвинизи дүзәлтмәк үчүн фүрсәт вар, Талибанын сыраларындан ајрылараг, халгын јанында дајанын вә дүшмәни дәгиг таныјараг бундан артыг сәһв етмәјин".
342/
7 sentyabr 2021 - 11:23
Xəbər kodu: 1177636
Пәнҹширдәки Талибан мүхалифәтинин лидери Әһмәд Мәсуд ән сон мүраҹиәтиндә Талибана гаршы мүгавимәтин давам етдијини вурғулајыб.
