Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Пәнҹширдәки Халг Мүгавимәт Гүввәләринин команданы "Әһмәд Мәсуд" Котал Хавак бөлҝәсиндә Талибанла дөјүшүн өн ҹәбһәсини зијарәт едиб.
Мәлуматлара әсасән сон ики ҝүндә Талибан үнсүрләри дәфәләрлә бурадан вадијә сызмаға чалышдылар, лакин һәр дәфә мүгавимәт гүввәләринин дирәнишләри нәтиҹәсиндә ҝери чәкилмәјә мәҹбур олдулар.
Пәнҹшир вилајәти
Пәнҹшир вилајәти (Фарс дилиндә پنجشیر, анламы "беш шир" мәнасындадыр) — Әфганыстан Ислам Республикасынын 34 вилајәтиндән бири.
Ҹоғрафијасы
Вилајәтин әразиси 3.610 км², 2009-ҹу илин әввәлинә олан рәсми мәлумата әсасән әһалиси 139.1 мин нәфәр, инзибати мәркәзи Базараг шәһәридир. Пәнҹшир вилајәти Әфганыстанын 34-ҹү вилајәти олараг 13 апрел 2004-ҹү илдә јарадылмышдыр. Пәнҹшир вилајәти Әфганыстанын шәргиндә, Әфганыстан-Пакистан сәрһәдди јахынлығында јерләшир. Вилајәт Бәғлан вә Тәхар вилајәтләри илә, ҹәнубда Лағман вә Каписа вилајәтләри илә, шәргдә Бәдәхшан вә Нуристан вилајәтләри илә, гәрбдә исә Пәрван вилајәти илә һәмсәрһәддир.
Әһалисинин етник тәркиби
Әһалиси әсасән таҹикләрдән, һәзаралардан, пашајиләрдән, нуристаниләрдән, Гылзај Иттифагына дахил олан пуштунлардан вә аз сајда диҝәр халгларын нүмајәндәләриндән ибарәтдир.
Таҹикләр сүнни-ислам етигадлы фарсдилли халгдыр. Әсасән гәдим Дари (диҝәр ады Фарси - кабулидир) дилиндә данышырлар. Вилајәтин Саләнҝ рајонунда әһалинин чохлуғуну тәшкил етмәклә јанашы диҝәр рајонларында да јашајырлар.
Һәзаралар Шиә-Ислам етигадлы гәдим Фарс (гәдим Дари дилиндә данышырлар) көкәнли халгдыр. Әсасән компакт шәкилдә вилајәтин Һиса-и-Авали Пәнҹшир вә Һиса-и-Дувуми Пәнҹшир рајонларында таҹикләрлә гарышыг һалда јашајырлар.
Нуристаниләр вилајәтдә ката тајфасы илә тәмсил олунмушлар. Бу тајфа Һиса-и-Авали Пәнҹшир рајонунун ҹәнуб-шәргиндә јашајыр.
Пашајиләр дравид дил аиләсинә аид бир дилдә данышырлар. Онлар вилајәтин Һиса-и-Дувуми Пәнҹшир рајонунун ҹәнуб-шәргиндә мәскунлашыблар.
Рајонлар
Пәнҹшир вилајәти инзибати ҹәһәтдән Саланҝ, Пәнҹшир, Һиса-и-Дувуми Пәнҹшир вә Һиса-и-Авали Пәнҹшир рајонларына бөлүнүр.
Диггәт: Хәбәрдән Истифадә Етдикдә Мәнбәјә Истинад Лазымдыр!
