АБНА24 Хәбәр Верир, Мәһәммәд Меһди Һаҹы Мәһәммәди дүнән өз Твиттер сәһифәсиндә јазыб: “ Евин һәбсханасы илә бағлы олан ҝөрүнтүләрлә бағлы, бу гәбуледилмәз рәфтарларын мәсулијјәтини өз үзәримә ҝөтүрүрәм вә бу кими аҹы һадисәләрин тәкрарланмајаҹағына, ганун позунтусуна јол верәнләрин ҹәзаландырылаҹағына сәј ҝөстәрәҹәјим барәдә өһдәлик ҝөтүрүр вә Аллаһ тааладан, әзиз рәһбәримиз, бөјүк халгымыз еләҹә дә зәһмәтләри бу кими хәталарын тәсири алтына дүшмәјәҹәк шәрәфли һәбсхана ишчиләриндән үзр истәјирәм.”
О “Үзр истәјирәм” һаштагындан да истифадә едиб.
Сон ҝүнләр Евин һәбсханасынын тәһлүкәсизлик камераларындан бәзи ҝөрүнтүләр јајымланмышдыр. Һәмин видеода мәһбусун дөјүлмәси мүшаһидә едилир. Бәзиләри һәбсхананын камераларынын һак едилдијини дејирләр.
Сөзү ҝедән видеонун сосиал шәбәкәләрдә јајылмасындан дәрһал сонра Иран Ислам Республикасы Мәһкәмә Һакимијјәтинин сәдри Һөҹҹәтүл-ислам вәл-мүслимин Мөһсүни Ежеи өлкәнин баш прокуроруну вахты итирмәдән мәсәләни ҹидди арашдырмаға ҹәлб едиб. Мәһкәмә Һакимијјәтинин сәдринин өлкәнин баш прокуроруна вердији ҝөсәришиндә дејилир: Евин һәбсханасы барәдә бәзи медиаларда јајылан хәбәрләр вә видеолары нәзәрә алараг сиздән, вахт итирмәдән, бу мөвзу барәдә, һәбсхана ишчиләринин мәһбусларла,јахуд мәһбусларын бири-бири илә рәфтарлары хүсусунда дәгиг арашдырмалар апарманызы вә бу барәдә мәнә һесабат вермәјинизи тәләб едирәм.
342/
26 avqust 2021 - 09:23
Xəbər kodu: 1173350
Иран Ислам Республикасы һәбсханалар тәшкилатынын сәдри Евин һәсханасынын камераларындан јајымланан видеоја мүнасибәт билдирәрәк, видеода мүшаһидә олунан һаллары гәбуледилмәз адландырыб вә үзр истәјиб.
