АБНА24 Хәбәр Верир, танынмыш журналист Миршаһин Ағајевин вә депутат Расим Мусабәјивун сабиг дипломаты Русијанын хәтринә дәјдијинә хатир сәрт шәкилдә тәнгид етмәләринин ардынҹа бир сыра политологлар да онун мүдафиәсинә галхараг Русијадан горхмамағы төвсијә едибләр.
Политолог Мүбариз Ҝөјүшлү бу барәдә јаздығы мәгаләдә билдириб: Өјрәшибләр өзбашналыға, үрәкләри истәдијини етмәјә. Лајигли ҹаваблар шиллә кими тутур онлары. 200 илдән чохдур башымыза һәр ојун ачдылар. Артыг јетәр. Һәр аддымын һансыса формада ҹавабы олмалыдыр.
Политог, Ваһабзадәни гынајан јерли експетртләрә сәсләнәрәк гејд едир: Совет көләлијиндән, рус горхусундан гуртула билмәјән азәрбајҹанлылар... Нараһат олмајын, инди 1920-ҹи ил дејил. Русија Азәрбајҹаны ишғал едә билмәз. Октјабрда мүстәгиллијимизин 30 или тамам олур. Бу гәдәр мүддәтдә сизләр һәлә дә Русија горхусујла јатыб-дурурсунуз. Үстәлик көлә руһунузу вә горхуларынызы ҹәмијјәтә дә ашыламаға чалышырсыныз. Русија Думасынын витсе-спикери, партија лидери Азәрбајҹан халгыны тәһгир едә биләр, амма бизим ишсиз дипломатымыз она ҹаваб верә билмәз?
Депутат Фазил Мустафа исә Јени Сабаһ гәзетиндә дәрҹ олнмуш јазысында Ваһабзадәни милли гәһрәман адландырыб. Мәгаләдә дејилир:
Гәрибә һеч нә јохдур. Жириновски өзүнәмәхсус формада тәрбијәсизлик едиб, Ваһабзадә дә өзүнәмәхсуз формада тәрбијәсиз ҹаваб вериб. Күчә савашынын бүтүн гајдаларына әмәл олунуб. Ардынҹа гуршагданашағы зәрбәләр ҝәләҹәк: 50 иллик депорт, мәһкәмә вә бир нечә дәфә тәкрарланаҹаг Соловјов шоусу. Бир һәфтәдән сонра унудулуб ҝедәҹәк. Түркијәнин Русија тәјјарәсини вурдуғундан даһа дәһшәтли бир шеј баш вермәјиб ки!?
Депутат өз мәгаләсинин сонунда адыны чәкмәдән Миршаһинин Исфәндијар Ваһабзадә илә бағлы мөвгејини гынајыб. “Бу мәсәләјә мүнасибәт билдирәркән халг шаири Бәхтијар Ваһабзадә адына гаршы һәр һансы һөрмәтсизлик јолверилмәздир”- дејә Фазил Мустафа јазыр.
Гејд едәк ки, Миршаһин августун 13-дә Јени Мүсават гәзети үчүн јаздығы мәгаләдә Исфәндијар Ваһабзадәнин үнванына ағыр сөзләр јағдырыб вә халг шаири мәрһум Бәхтијар Ваһабзадәјә истинад етмәклә Исфәндијары “Шејтана јахын өвлад” кими тәгдим едиб.
Бу арада бир чох игтидарјөнүмлү сијасәтчи кими депутат Саһиб Алыјев дә Исфәндијар Ваһабзадәни тәнгид атәшинә тутуб.
Милләт вәкили өз фејсбук сәһифәсиндә јазыр: “Исфәндијар Ваһабзадә дипломат дејил, нә вахтса ҝуја олуб. Ҝуја сөзүнү нијә ишләтдијими аз-чох савады вә информасијасы олан һәр кәс јахшы билир. Вә һамы да олмаса, бир чохлары ону да јахшы билир ки, Ваһабзадәнин Жириновскијә ҹавабы нә дипломат ҹавабыјды, нә дөвләт марагларындан, нә дә милли тәәссүбкешликдән ирәли ҝәлирди.
ЈАП-чы депутатын гәнаәтинҹә, кечмиш сәфирин һәдәфи Жириновски, јахуд да рус халгы дејилди. Һәдәф, давамлы вә ардыҹыл шәкилдә јол вердији нөгсанлара ҝөрә ону артыг тәмсилчиси ҝөзүндә ҝөрмәк истәмәјән, зорән дипломатлығына сон гојан Азәрбајҹан һакимијјәти, Азәрбајҹан дөвләти иди.
342/
14 avqust 2021 - 16:20
Xəbər kodu: 1169607
Жириновскинин Азәрбајҹаны ашағыламасына ҹаваб олараг сабиг дипломат Исфәндијар Ваһабзадәнин руслары тәһгир етмәси бирмәналы гаршыланмыр.
