АБНА24 Хәбәр Верир, сионист режимин сабиг баш назири Бенјамин Нетанјаһунун бу режимин јени назирләр кабинетинин Иран гаршысындакы сијасәтләринә гаршы тәнгидләри Тәл-Әвивин јени баш назири Нафтали Бенетин реаксијасы илә үзләшиб.
Бенет дүнән ахшамчағы сионист режим парламенти- кнессетин чох ҝәрҝин иҹласында белә дејиб: Мәһз Нетанјаһунун Иран гаршысында уғурсуз галмыш сијасәтләри Тәл-әвивин јени кабинетини һәрби бүдҹәни, өзү дә, ҸОВЫД-19 пандемијасындан ирәли ҝәлән сәрт игтисади шәраитдә артырмаға мәҹбур едибдир.
«Једиот Аһаронот» вебсајтынын јаздығына ҝөрә, Бенет, Нетанјаһунун башчылыг етдији мүхалиф партијаларын тәләби илә сионист режимин јени кабинетинә гаршы тәһлүкәсизлик тәһдидләри барәдә бәһс етмәк үчүн кечирилән бу иҹласда иддиа едиб ки, Иран өз нүвә програмыны сүрәтлә инкишаф етдирир вә биз онунла мүбаризә апараҹағыг.
Нетанјаһунун кабинетинин Тәл-Әвивлә мүттәфиг олан өлкәләрин Иран гаршысындакы фикирләри илә ачыг шәкилдә мүхалифәт етмәсинә тохунан сионист режимин баш назири она хитабән белә дејиб: Биз нә етмәли олдуғумузу билирик. Амма Иранын һәрби инкишафы илә бир заманда, дүнјада һәр бир өлкә илә дөјүшмәк вә гаршы-гаршыја дурмаг мәсулијјәтсиз бир ишдир. Лакин бу, сизин бизим үчүн гојдуғунуз ирсдир.
Бенет сонра Нетанјаһу һөкумәтинин Ливанда вә Гәззә золағындакы мүгавимәт груплары илә мүбаризә үзрә һәрәкәтләрини тәнгид едәрәк, иддиа едиб ки, Нетанјаһу Һизбуллаһ мүгавимәт һәрәкатынын гәсб олунмуш Фәләстинин һәр бир јеринә чата билән дәгиг ракетләр еһтијат етмәсинә баис олубдур.
Нетанјаһу кнессетин бу иҹласында Иранын сионист режим үчүн мөвҹуд олан бир тәһдид адландырыб вә иддиа едиб ки, Бенетин һөкумәти Тәл-Әвиви тәһлүкәли истигамәтә јөнләндирир.
Белә бир һалда, сионист режимин јени назирләр кабинети сон ајларда ишә башладығы замандан бәри нүвә анлашмасынын бәрпасынын гаршысыны алмаг истигамәтиндә, анлашманы имзаламыш өлкәләрәрин вә Американын рәсмиләри илә ҝөрүшмәк үчүн Бирләшмиш Штатлара сионист режимин мәсул шәхсләрини ҝөндәрмәклә әлиндән ҝәләни едир.
342/
3 avqust 2021 - 14:15
Xəbər kodu: 1166205
Сионист режимин баш назири өз кечмиш һәмкарынын Иран гаршысындакы сијасәтләринин уғурсуз галмасына тохунараг, дејиб ки, Тәл-Әвивин өнҹәки назирләр кабинети реҝиондакы мүгавимәт групларынын минләрлә әдәд ракет еһтијат етмәләринә баис олуб.
