АБНА24 Хәбәр Верир, АБШ президенти Ҹо Бајден вә Ирагын баш назири Мустафа Әлказими бу ҝүн сәһәр саатларында вә Ағ Ев-дәки ҝөрүшләринин сонунда бирҝә бәјанат јајыблар.
Бәјанатда дејилир: Вашингтон вә Бағдад разылыға ҝәлибләр ки, ҹари 2021-ҹи илин сонунадәк Американын һәрби гүввәләринин Ирагда иштиракы баша чатсын. Америка Ирагын суверенлији вә ганунларына һөрмәт едәҹәк.
Америка вә Ираг башчылары билдирибләр ки, Ираг һөкумәти бу өлкәдә тәлим вә мәшвәрәтлә мәшғул олан бејнәлхалг коалисија гүввәләрини горумаг үзрә өһдәлијинә тәкид едиб.
Бәјанатын вердији изаһата ҝөрә, ики тәрәфин һејәтләри гәрара алыблар ки, тәһлүкәсизлик әлагәләри там шәкилдә кәшфијјат, һимајә, һәрби мәсләһәт вә тәлим ролуна чевриләҹәк вә 2021-ҹи ил декабрын 31-дә даһа Ирагда дөјүш ролу олан һеч бир америкалы гүввә олмајаҹаг.
342/
27 iyul 2021 - 17:20
Xəbər kodu: 1163941
Америка вә Ираг башчылары Ағ Ев-дә апардыглары данышыглардан сонра бирҝә бәјанатда билдирибләр ки, 2021-ҹи ил декабрын 31-дә даһа Ирагда дөјүш ролу олан һеч бир америкалы гүввә олмајаҹаг.
