Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Түркијәнин галмагаллы Президенти Рәҹәб Тајјиб Әрдоған Фәләстин торпагларыны ишғал етмиш, гејри-легал Исраил режиминин јени “президенти” Исһак Һерсога телефон илә зәнҝ едиб.
Бу барәдә Түркијә Президент Администрасијасынын Иҹтимаијјәтлә Әлагәләр Идарәси мәлумат јајыб.
Телефон сөһбәтиндә Түркијә-Исраил мүнасибәтләри вә реҝионал мәсәләләр мүзакирә едилиб.
Әрдоған Һерсогу андичмә мәрасими мүнасибәтилә тәбрик едиб.
Түркијә-Исраил мүнасибәтләринин Јахын Шәргин тәһлүкәсизлији вә сабитлији үчүн бөјүк әһәмијјәт дашыдығыны вурғулајан Әрдоған ики өлкә арасында енержи, туризм вә технолоҝија башда олмагла, мүхтәлиф саһәләрдә әмәкдашлыг үчүн јүксәк потенсиалын олдуғуну сөјләјиб.
Түркијә лидери епидемијаја бахмајараг, икитәрәфли тиҹарәтин һәҹминин артдығыны вә бу потенсиалдан фајдаланмағын ортаг мараглара хидмәт етдијини гејд едиб.
Бүтүн фикир ајрылыгларына рәғмән, тәмас вә диалогун давам етдирилмәсинә әһәмијјәт вердијини дилә ҝәтирән Әрдоған бејнәлхалг иҹтимаијјәтин Фәләстин-Исраил мүнагишәсинин БМТ гәтнамәләри чәрчивәсиндә даими вә икидөвләтли һәлл вариантыны ҝөзләдијини вурғулајыб.
Әрдоған Фәләстин-Исраил мүнагишәсинин һәллиндә атылаҹаг мүсбәт аддымларын Түркијә-Исраил мүнасибәтләринин мүсбәт ҝедишинә дә төһфә верәҹәјини билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
