“Өзүнүмүгәддарат” һүгугунун истәнилмәси ҝүлүнҹдүр-ЕКСКЛҮЗИВ

АБНА24 Хәбәр Верир, сијаси елмләр доктору Сабир Мәммәдли Сәһәр Каналына вердији јазылы ексклүзив мүсаһибәдә билдириб: Пашинјан Гәрб өлкәләринин дәстәји илә һакимијјәтә ҝәлиб вә онун һакимијјәт командасынын апарыҹы сималары да гәрбјөнүмлүдүр. Амма Ермәнистанын игтисади бағлантылары, демәк олар ки, бүтүнлүклә Русијанын әлиндәдир. Бунунла јанашы, Икинҹи Гарабағ мүһарибәси дөврүндә Пашинјан Русијадан ајрылыгда фәалијјәт ҝөстәрә билмәди, чүнки Азәрбајҹан Ордусу Ермәнистан силаһлы гүввәләрини дармадағын едирди, Гәрбин Пашинјана реал көмәк етмәк имканы јох иди. Үстәлик, Ермәнистан Ордусу тамамилә Русијанын тәсири алтындадыр, даима ону силаһла тәһҹиз едир, бүтүн һәрби кадрлары Русијајөнүмлүдүр вә һәмишә онлары Азәрбајҹана гаршы истифадә едәрәк Ҹәнуби Гафгаз бөлҝәсиндә өз варлығыны сахламаға чалышыр.

Политолог гејд етди ки, бүтүн бу просесләр фонунда вә әсасән дә мүһарибәнин нәтиҹәләри бахымдан Авропа өлкәләри, АТӘТ-ин Минск Групу, АБШ Ҹәнуби Гафгазда ҹәрәјан едән һадисәләрдән кәнарда галдылар. Бу сәбәбдән АБШ вә Авропа өлкәләри просесләрә тәсир етмәк үчүн мүхтәлиф јоллар ахтармаға башладылар, ҝаһ Минск Групуну дирчәлтмәјә чалышырлар, ҝаһ Ермәнистан-Азәрбајҹан сәрһәдләриндә сүни ҝәрҝинликдән истифадә едиб “гәрб мүшаһидәчиләринин” јардымыны тәклиф едирләр, Пашинјана мүхтәлиф дәстәк формаларыны ҝүндәмә ҝәтирирләр. Бүтүн бу аддымларын әсасында бу өлкәләрин бир истәји дурур – реҝионда баш верән просесләрдән кәнарда галмамаг вә һадисәләрә тәсир етмәк имканлары газанмаг. Она ҝөрә дә мүнагышәнин һәлә битмәдијини, ҝуја гондарма сепаратчы режимә һансыса статусун верилмәсинин мүмкүнлүјүнү дилә ҝәтирирләр.

Сабир Мәммәдли Сәһәр Каналына вердији мүсаһибәнин сонунда јазыр ки, 30-35 мин әһалијә бир өлкәнин дахилиндә “өзүнүмүгәддарат” һүгугу әсасында һансыса статусун верилмәси ҝүлүнҹ вә абсурдур, һеч бир бејнәлхалг нормаја ујғун ҝәлмир.

342/