Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ливан Һизбуллаһ Мүгавимәт Тәшкилатынын баш катиби Сејјид Һәсән Нәсруллаһ, 2021-ҹи ил 25 ијул Ҹүмә ахшамы телевизија илә етдији чыхышында Ливанда вә бөлҝәдә баш верән ән әһәмијјәтли һадисә вә дәјишиликләри арашдырыб.
АБШ-ын Мүгавимәт һәракатына бағлы хәбәр сајтларына ҝиришин мәһдудлашдырылмасы илә бағлы һәрәкәтинә тохунан Ливан Һизбуллаһ Мүгавимәт Тәшкилатынын баш катиби бунлары сөјләди: "Мүгавимәт тәмајүллү сајтларын блокланмасы тәсадүфи дејил, чүнки бу медиалар “Гүдс Гылынҹы” адлы дөјүшдә сионист дүшмән гүввәләринә вә тәкфирчи террор групларына гаршы гәтијјәтли мөвге сәрҝиләјән вә Фәләстин халгы илә һәмрәј олдугларыны билдирән медиа гурумларыдыр. Диггәт олунасы мәсәлә исә одур ки, бу медианын бәзиләри јалныз дини фәалијјәт ҝөстәрир вә һеч бир сијаси фәалијјәтләри јохдур.
Сејјид Һәсән Нәсруллаһ билдириб ки, АБШ-ын сајтлары блокламаг гәрары онун "демократија вә ифадә азадлығы" иддиаларында јалан олдуғуну бир даһа сүбут етди.
О, һәмчинин АБШ-ын мүгавимәт мәдәнијјәтинә вә мәркәзинә аид медиа гурумларына гаршы бу аддымыны "Америка медиасы тәҹавүзү" адландырыб.
Ливан Һизбуллаһ Тәшкилатынын Баш Катиби әлавә едиб: "Бәзиләри Иранын Һизбуллаһдан Вјана данышыгларынын нәтиҹәси вә Иран-Сәудијјә данышыгларынын нәтиҹәсинә гәдәр јени Ливан һөкумәтинин гурулмасы просесини мүшајиәт етмәмәсини хаһиш етдијини иддиа едирләр." Бу, бәзи тәрәфләрин иддиасыдыр.
О, әлавә едәрәк билдириб: “Факт будур ки, Иран вә Сәудијјә Әрәбистаны арасында сон дөврдә апарылан данышыглар јалныз икитәрәфли мүнасибәтләрә јөнәлдилиб. Бу данышыгларын Ливан һөкумәтинин гурулмасы илә һеч бир әлагәси јох иди. Вјанада Иран, Ливан кабинетинин формалашдырылмасы да дахил олмагла нүвә проблеминдән башга һәр һансы бир мәсәләни мүзакирә етмәјиб. Иран һеч кимин адындан данышыг апармадығыны сүбут етмишдир. Дост вә дост олмајан һәр бир кәс Ирандан көмәк истәрсә, Иран һеч бир көмәји әсирҝәмәз.”
Һизбуллаһын баш катиби сөһбәтинин давамында гејд едиб: "Ливан Һизбуллаһыны јени бир һөкумәтин гурулмасында тәхрибат етмәкдә ҝүнаһландырмаг јалан, төһмәт вә бөһтандыр. Бу, Һизбуллаһ'а гаршы ачыг бир һагсызлыгдыр. Инанырыг ки, өлкәни бөһрандан чыхармаг үчүн һәр кәс әл-әлә верәрәк јени бир һөкумәти гурмалыдыр...”
Диггәт: Хәбәрдән Истифадә Етдикдә Мәнбәјә Истинад Лазымдыр!
