Русија һәрбчиләринин сәрһәдләрә јерләшдирилмәси кимә нә вәд едир?

АБНА24 Хәбәр Верир, Ермәни мәнбәләр Азәрбајҹанла Ермәнистан сәрһәдинин Ҝеғаркуник бөлҝәсиндә Русија һәрбчиләринин јерләшдириләҹәји мәлуматларыны јајыб.

Ермәнистан Силаһлы Гүввәләринин баш гәрарҝаһ рәиси Артак Давтјан бу мәсәлә үзрә јекунгәрар олмадығыны билдирсә дә Ҝегаркуник бөлҝәсиндә Русија һәрбчиләринин јерләшәҹәјиндән әмин олдуғуну дејиб.

Артак Давтјан бу гәрарда мәгсәди белә шәрһ едиб: “Мәгсәдимиз – Азәрбајҹан һәрби бирләшмәләринин әразимиздән гаршыдурмасыз чәкилмәсидир... Биз ҝәрәкәндә Русија тәрәфи илә әмәкдашлыг едирик”

Медиалар Ермәнистанын Ҝеғаркуник вилајәтинин губернатору Онел Саносјанын исә бу мәлуматы там тәсдигләдијини билдирир она истинадән јазырлар ки, “Русијалы һәмкарларын јерләшдирилмәси үзрә иш апарылыр, вәзијјәт тәнзимләнәҹәк. Бу, үчтәрәфли данышыгларын нәтиҹәсидир, паралел просес дә ҝедир”

Никол Пашинјан сечкиләрдән өнҹә сәрһәдләрин мүәјјән едилмәси үчүн АТӘТ-ин Минск групунун һәмсәдр өлкәләринин иштиракы илә “бејнәлхалг мүшаһидәчиләрин” јерләшдирилмәсини тәклиф етмишди. Русија һәрбчиләринин Ермәнистанла Азәрбајҹан Республикасы сәрһәдләринә јерләшдирилмәси гәрб өлкәләринин “бејнәлхалг мүшаһидәчи” ады алтында бөлҝәјә ҝәлмәси мәсәләсинин ҝүндәмдән чыхмасы анламына ҝәлә биләрми?

Милләт вәкили, политолог Расим Мусабәјли СәһәрАзәри-јә вердији мүсаһибәдә Пашыныјанын бу кими тәклифләринин пополисти һәрәкәт олдуғуну вә реаллыгда мүмкүн олмадығыны билдирди: “ Минск групундан кимсә ҝәлиб Ермәнистан сәрһәдләрини горумајаҹаг, Ермәнистанын сығындығы јеҝанә дөвләт Русијадыр вә Ермәнистанын Түркијә вә Иранла сәрһәдләриндә олдуғу кими бундан сонра да онлары Азәрбајҹан Республикасы сәрһәдләринә ҝәтирмәк нијјәтиндәдирләр.

Азәрбајҹанла Ермәнистан сәрһәдләринин һәлә дәгигләшмәдијини вә Азәрбајҹан Республикасынын өз бејнәлхалг сәрһәдләрини бәрпа етмәк истигамәтиндәки тәдбирләринин ара-сыра сәрһәд инсидентләри илә мүшајиәт олунмасыны нәзәрә алараг, Русија һәрбчиләринин сәрһәдләрин Ермәнистан тәрәфиндә јерләшдирлимәси, Азәрбајҹанын бејнәлхалг сәрһәдләрин бәрпасы сәјләринә нә кими тәсир бурахаҹагдыр?-Суалына исә Расим Мусабәјовун ҹавабы белә олду: “ Азәрбајҹан Республикасы Ермәнистанын барәсиндә гәрар верән Русија илә мүзакирә апарыр вә Русијанын үчтәрәфли комисија тәклифи сәрһәдләрин дәгигләшдирилмәсинә өз төһфәсини верәҹәкдир.”

Ҝөрүнән одур ки, 30 иллик мүнагишәнин фәсадларынын арадан галдырылмасы һәлә узун вахт тәләб едәҹәк вә мөвҹуд стабиллијин гарантинин олмамасына ҝөрә, вахт мәсәләси ниҝаранедиҹи фактордур.

342/