Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Сурија Әрәб Республикасынын президенти ҹәнаб Бәшшар Әсәд Иран Ислам Республикасынын јени сечилмиш 8-ҹи президенти Ајәтуллаһ Сејјид Ибраһим Рәисини президентлијә сечилмәк мүнасибәти илә тәбрик едиб.
О, тәбрик мәктубунда јазыб: “Мән олдугҹа шадам ки, өз вә Сурија Республикасынын халгы адындан сизин президнт сечкиләриндә халгын әксәријјәтинин рәјини газана билдијиниз үчүн сизә сәмими гәлбдән тәбрикләримизи әрз едим...”
Мәктубун диҝәр јериндә исә белә мүраҹиәт едирләр: “Аллаһ Тәаладан сизә ишләриниздә гәләбә, јени гәбул етдијиниз мәсулијјәтинизин өһдәсиндән ҝәлмәкдә мүвәффәгијјәтләр, өлкәнизин тәрәггиси наминә Ислам Ингилабынын гојдуғу хәттини тәкмилләшдирмәк вә бүтүн саһәләрдә инкишафа доғру һәрәкәт етмәјинизи тәләб едирәм.”
Сурија президенти даһа сонра јазыблар: “Фүрсәтдән истифадә едиб он илләрлә достлуг тарихимизә әсасланараг сизинлә әлагәләрин ҝүҹләндирилмәсини, өлкәләримиз арасында икитәрәфли коммуникасијаларын артырылмасыны, икитәрәфли анлашмалар, Сурија Әрәб Ҹумһуријјәти илә Иран Ислам Ҹумһуријјәти арасында мүштәрәк мәнафеләрин горунмасыны сизләрә ибраз едирәм.”
Гејд едәк ки, Ајәтуллаһ Сејјид Ибраһим Рәиси Һиҹри шәмси тәгвими илә 28 Хордад 1400-ҹү ил (18.Ијун.2021) Ҹүмә Ҝүнүндә кечирилән Иранын 13-ҹү президент сечкиләриндә 17 милјон 962 мин сәс чохлуғу илә (сечиҹиләри 62%-нин сәсини топламагла) халг тәрәфиндән Иран Ислам Республикасынын 8-ҹи президенти олараг сечилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
