АБНА24 Хәбәр Верир, Русијанын АТӘТ јанында даими нүмајәндәси Александр Лукашевич билдириб ки, АТӘТ-ин Минск групу һәмсәдрләри ијунун 2-дә Австрија пајтахтында Азәрбајҹан-Ермәнистан сәрһәдиндәки вәзијјәти мүзакирә едәҹәкләр.
Александр Лукашевич сөјләјиб ки, бу ҝүнләрдә Вјанада үч һәмсәдр бир сыра гурумларла, фәалијјәтдә олан сәдрлә, Минск групунун үзвләри илә мәсләһәтләшмәләр апарырлар, одур ки, бу мәсәләдә һансыса тәклифләр ҝөзләмәјә дәјәр.
Даими нүмајәндә реҝионда нәглијјат коммуникасијаларынын ачылмасы илә әлагәдар һәр шејин гәлиз олдуғуну билдирәрк дејиб:” һәмсәдрләр гојулмуш мәсәләләрин мәҹрасында неҹә һәрәкәт едәҹәкләринә даир ресепт вермәкдә чәтинлик чәкирләр”.
АТӘТ-ә ҝәлинҹә, даими нүмајәндәнин фикринҹә, тәшкилат мүнагишә тәрәфләрилә дил тапмаға чалышыр вә бу структурун конкрет ролуну тәјин етмәк һәлә ки чәтиндир
Минск групунун фәалијјәти илә әлагәдар исә “Әлбәттә, әввәлләр тәтбиг олунан мүшаһидә функсијалары инди, чәтин ки, реаллашдырылсын, чүнки артыг јени механизмләр, јени реаллыглар ишә дүшүб”, - дејән Лукашевич јерләрдә мүәјјән функсијалары иҹра едән Русија сүлһмәрамлыларыны хатырладыб.
342/
2 iyun 2021 - 14:44
Xəbər kodu: 1146953
Азәрбајҹан-Ермәнистан сәрһәдиндәки ҝүнләрлә давам едән ҝәрҝин ситуасија ијунун 2-дә Вјанада ҝөрүшән АТӘТ-ин Минск групу һәмсәдрләринин әсас мүзакирә мөвзуларындан олаҹаг.
