АБНА24 Хәбәр Верир, Алманија Мүдафиә Назирлији АБШ гошунларынын Әфганыстандан чыхарылмасы үчүн Ҹозеф Бајденин һөкумәт ҹәдвәлиндән ән азы ики ај әввәл Алманија гошунларыны Әфганыстандан чыхармаға чалышыр. Алман мәтбуатынын јаздығына ҝөрә, Алманија ордусу, НАТО мүттәфигләри илә мәсләһәтләшәрәк, гошунларынын Әфганыстандан даһа сүрәтли чыхарылмасына һазырлашыр. Назирлик Бундестаг үзвләринә (Алманија Федерал Парламенти) Берлинин 4 ијул тарихиндә Әфганыстандан гошунларыны чыхармағы планлашдырдығыны билдириб. Бундан әввәл АБШ-ын президенти Ҹозеф Бајден 11 сентјабра гәдәр АБШ әсҝәрләрини Әфганыстандан тамамилә чыхармаг нијјәтиндә олдуғуну билдирмишди. Бајденин гәрары АБШ-ын екс-президенти Доналд Трампын Талибан илә разылашараг, АБШ-ын Әфганыстандакы һәрби мөвҹудлуғунун сона чатмасы үчүн 1 мај тарихини тәјин етмәсиндән сонра верилиб.
342/
