АБНА24 Хәбәр Верир, Һәсән Руһани мартын 3-дә Франса президенти Еммануел Макрон илә баш тутан телефон данышығында нүвә анлашмасыны горумаг вә ҹанландырмаг үчүн фүрсәтләрин итирилмәсинин, вәзијјәти даһа да чәтинләшдирә биләҹәјини вурғулајараг, әлавә едиб: "Иран тәрәфиндән өһдәликләрин тәдриҹән дазалдылмасынын сәбәби АБШ-ын Әһатәли Мүштәрәк Тәшәббүс Програмындан чыхмасы вә 3 Авропа өлкәсинин өһдәликләрини јеринә јетирмәкдән аҹиз галмасы иди. Гаршы тәрәфләр өһдәликләринә садиг галдыгда бунлар дәрһал ҝери гајтарыла биләр". Руһани Иран тәрәфиндән Әлавә Протоколун көнүллү тәтбигинин дајандырылмасыны Ислам Шурасы Мәҹлисинин тәсдигләнмиш ганун чәрчивәсиндә олдуғуну билдирәрәк, дејиб: "Бејнәлхалг Атом Енержиси Аҝентлији илә әмәкдашлығымыз давам едир вә биз һеч вахт нүвә анлашмасындан чыхмамышыг". Иран Ислам Республикасы президенти АЕБА-нын Директорлар Шурасында һәр һансы бир гејри-конструктив һәрәкәт вә ја мөвгејин јени чағырышлара сәбәб ола биләҹәјини вә мөвҹуд вәзијјәти чәтинләшдирә биләҹәјини вурғулајыб. Руһани, Франсаны әһәмијјәтли бир ојунчу адландырыб вә дејиб: "Теһран-Парис мүнасибәтләри давамлы бир бахыш әсасында вә икитәрәфли, реҝионал вә глобал әмәкдашлыг үчүн узунмүддәтли һәдәфләрлә инкишаф етдирилә биләр." Иран вә Франса да дахил олмагла дүнјанын мүхтәлиф өлкәләриндә ҝөрүлән коронавирус пандемијасына тохунан Руһани, коронавирусла еффектив шәкилдә мүбаризә апармаг үчүн бүтүн дүнја өлкәләринин әмәкдашлығына еһтијаҹ олдуғунун бәјан едәрәк, әлавә едиб:" АБШ-ын ганунсуз вә залымҹасына санксијалары Иран үчүн коронавирусла мүбаризәни чәтинләшдирир вә Иран, һәтта дәрман вә тибби ләвазиматын тәмини үчүн өз малијјә мәнбәләриндән истифадә едә билмир, Авропа Иттифагындан вә хүсусиләдә Франсадан бу гејри-инсани һәрәкәт гаршысында сәссиз галмамасы ҝөзләнилир". Франса президенти дә бу телефон данышығында нүвә анлашмасынын горунмасыны бејнәлхалг иҹтимаијјәт үчүн бир зәрурәт адландырыб вә бүтүн тәрәфләрин нүвә анлашмасы үзәриндәки өһдәликләринин там јеринә јетирилмәсинә гајытмасы үчүн давамлы диалогун зәрурилијини вурғулајыб. Еммануел Макрон илкин аддымлар үчүн һәр ики тәрәфин һәрәкәтә кечмәли олдуғуну диггәтә чатдырыб вә дејиб: "Авропа гаршыдакы һәфтәләрдә нүвә анлашмасынын бәрпасы үчүн даһа актив олмаға һазырдыр".
342/
