АБНА24 Хәбәр Верир, Мәҹид Тәхте Рәванчи билдириб: Коронавируса галиб ҝәлмәјә лазым олан мәсәлә, инкишаф етмәкдә олан өлкәләрә јардым, ваксинин јетәринҹә истеһсалы, халглар арасында әдаләтлә пајланмасы, еләҹә дә санксијаларын галдырылмасыдыр. Иранын БМТ-дәки даими нүмајәндәси бу тәшкилатын тәһлүкәсизлик шурасынын «ҸОВЫД-19 ваксинләринә мүнасиб әлчатанлыға әминлик» мөвзусунда кечирилән јүксәк сәвијјәли јығынҹағында сонра белә дејиб: Коронавирус бәшәријјәтин ортаг дүшмәнидир вә инсанлары иргиндән, дининдән вә миллијјәтиндән асылы олмајараг, һәдәфә алыр ки, онунла мүбаризә апармаг үчүн бүтүн халгларын реал һәмрәјлик вә һәмкарлығы зәрурәт дашыјыр. Пејвәндләмә илә, коронавирусла мүбаризә саһәсиндә јаранан үмидләрә ишарә едән Тәхте Рәванчи сонра белә дејиб: Коронавирус ваксининин ири һәҹмдә истеһсалы вә әдаләтли шәкилдә пајланмасы үзрә бејнәлхалг сәјләр тәмәркүзләшдирилмәлидир. Иранын БМТ-дәки даими нүмајәндәси ејни заманда инкишаф етмиш өлкәләрин вәтәндашларындан индијәдәк милјонларла нәфәрин ваксин вурдурдуғу бир һалда, коронавирусла чарпышан инкишаф етмәкдә олан өлкәләрдән бир чохунун бармагларын сајы гәдәр дә олмуш олсун белә, ваксин әлдә етмәмәләри кими мәсәләни тәнгид едибдир.
342/
