АБНА24 Хәбәр Верир, бу барәдә “Блоомберҝ”ин әлдә етдији мәлуматлар әсасында һазырладығы инфографикада гејд олунуб. Билдирилиб ки, тарихин ән бөјүк ваксинасија кампанијасы чәрчивәсиндә сон ҝөстәриҹиләрә әсасән бүтүн дүнјада 128 милјон нәфәрә ҸОВИД-19 әлејһинә ваксин вурулуб, ҝүндәлик ваксин олунанларын сајы исә 4,69 милјон нәфәрә чатыб. Мәлуматда гејд олунуб ки, АБШ-да ваксинасијанын башландығы 14 декабр 2020-ҹи ил тарихиндән етибарән 40.5 милјондан чох инсана пејвәнд вурулуб ки, бу да әһалинин тәхминән 12.3%-и едир. Өтән һәфтәнин ҝөстәриҹиләринә әсасән АБШ-да ҝүндәлик 1.43 милјон нәфәрә пејвәнд вурулуб. Күтләви ваксинасија програмы чәрчивәсиндә Чиндә 31.2 милјон (2.23%), Авропа Иттифагында 15,5 милјон (3.72%), Бөјүк Британијада 11.9 милјон (17.9%) нәфәрә пејвәнд вурулуб. Ваксин едиләнләрин әһалинин үмуми сајына нисбәтдә ән јүксәк олдуғу өлкә исә Исраилдир. Бу өлкәдә артыг 5.4 милјон нәфәрә пејвәнд вурулуб ки, бу да үмуми әһалинин 59.9%-ни тәшкил едир.
342/
