АБНА24 Хәбәр Верир, бунунла бағлы Иранын сәнаје, мәдән вә тиҹарәт назири Әлирза Рәзм Һүсејни мүвафиг әмр имзалајыб. Әмрдә билдирилиб ки, Ҹәнуби Гафгазда ҝедән сон просесләр, һабелә гејри-нефт ихраҹыны максимум дәрәҹәдә артырмаг вә гоншу өлкәләрлә әмәкдашлыг сәвијјәсини јүксәлтмәк мәгсәдилә јаранан имканлардан оптимал шәкилдә истифадә едилмәсинин зәрурәти әсас ҝөтүрүләрәк Мәһәммәдрза Пурмәһәммәди Азәрбајҹан Республикасы илә Тиҹарәтин Инкишафы үзрә Гәрарҝаһын рәиси тәјин олунуб. “Иран Хариҹи Ишләр Назирлији, Тиҹарәтин Инкишафы Тәшкилаты, Гәрби Азәрбајҹан, Әрдәбил, Ҝилан вә Зәнҹан вилајәтинин рәһбәрләри, Иран Тиҹарәт, Сәнаје, Мәдән вә Кәнд Тәсәррүфаты Палатасы, Иран Кооперасија Палатасы, вилајәтләрин Сәнаје, Мәдән вә Тиҹарәт Тәшкилаты вә диҝәр аидијјәти гурумларын көмәји илә Азәрбајҹан Республикасынын азад едилмиш әразиләринин јенидән гурулмасында фәал иштирак етмәк үчүн мүвафиг фәалијјәт планынын һазырланмасында вә һәјата кечирилмәсиндә лазыми сәјләрин ҝөстәрилмәси вә вахташыры сөзүҝедән назирлијә һесабат вермәниз тәләб олунур”, - дејә әмрдә гејд олунуб.
342/
