АБНА24 Хәбәр Верир, Өтән ҝеҹә Иранын Ирагдакы сәфири ҹәнаб Ирәж Мәсҹеди Иран ТВ Канал 2-дән ҹанлы јајымланан хүсуси хәбәр ток-шоусунда Бағдаддан видео бағлантысы илә вердији мүсаһибәдә гејд едиб: Шәһид Ҝенерал Һаҹ Гасим Сүлејмани вә Шәһид Әбу Меһди Мүһәндисин шәһадәтинин илдөнүмү әрәфәсиндә Ирагын мүхтәлиф шәһәрләриндә чох ҝениш мәрасим вә програмлар башлајыб. Иранын Ирагдакы сәфири дејиб: "Шүбһәсиз ки, бу әзизләрин шәһид олмасы Иран вә Ираг халгларынын бирлијиндә вә јахынлашмасында чох ҹидди вә бөјүк рол ојнајыб вә бу шәһидләрин саф ганы дост вә гоншу өлкә Ирагла стратежи әлагәләримизи дәринләшдириб". Мәсҹиди Шәһид Ҝенерал Гасим Сүлејмани вә Әбу Меһди Әл-Мүһәндис һејкәлләринин Ирагын күчәлыриндә, евләрдәдә, көчәри вә популјар ҹамааты нәздиндә мүшаһидә олдуғуну билдирәрәк, вурғулајыб: "Бу шәһидләрин ИШИД-лә мүбаризәдә ролу чох ҝөркәмли иди; Бу јолда чох сәј ҝөстәрдиләр вә нәһајәт ҹанларыны фәда етдиләр. Бу сәбәбдән, һәр ики шәхсијјәтимуз Ираг ҹәмијјәтинин әксәријјәти үчүн ешг символи вә паклыг газанмыш инсанлыг нүмүнәси олуб". Мәсҹиди әлавә едиб: "Шәһид Ҝенерал Гасим Сүлејмани , Ислам Ингилабы Кешикчиләри Корпусунун Гүдс гүввәләринин бөјүк команданы олараг, Ираг Силаһлы Гүввәләрини дәстәкләмәкдә вә Әлһәшдушшәби илә әмәкдашлыгда фәдакарлыг, ҹәсарәт, сәмимијјәт, тәвазөкарлыг вә әвәзсиз рола саһиб иди; Вә һәр заман ҹәбһәнин вә ИШИД-ә гаршы мүһарибәнин өнүндә иди". Иранын Ирагдакы сәфири вурғулајыб: "Шәһид Сүлејмани Ирагын силаһлы гүввәләри, дөвләт мәмурлары, халг вә гәбиләләри арасында чох популјардыр". Хатырладаг ки, Ислам Ингилабы Кешикчиләри Корпусунун Гүдс гүввәләринин команданы ҝенерал-лејтенант пасдар Гасим Сүлејмани вә Ирагда Әлһәшдушшәби тәшкилатынын рәис мүавини Әбу Меһди Әл-Мүһәндис вә диҝәр сәккиз нәфәрлә јанашы, 2020-ҹи ил јанварын үчүндә тәҹавүзкар вә террорчу АБШ гүввәләринин Ирагын Бағдад һава лиманынын јахынлығында кечирдикләри һава һүҹумунда шәһид едилдиләр.
342/
