АБНА24 Хәбәр Верир, Азәрбајҹан Республикасынын президенти Илһам Әлијев бу өлкәнин әрази бүтөвлүјүнүн мүдафиәси илә әлагәдар јаралананларын вә шәһид аиләләринин тәминатына дәстәк фондунун (“ЈАШАТ” Фонду) јарадылмасы һаггында фәрман имзалајыб. Фәрманда дејилир: "Азәрбајҹан Республикасында һәрби гуллугчуларын вә шәһид аиләләринин сосиал мүдафиәси вә онларын рифаһынын јахшылашдырылмасы даим дөвләт сијасәтинин әсас тәркиб һиссәси олмушдур. Бу истигамәтдә ҝениш дөвләт дәстәји механизмләри формалашдырылмыш, онлар һәртәрәфли дөвләт гајғысы илә әһатә олунмушлар. Бунунла јанашы, шәһид аиләләринин вә Вәтәнин мүдафиәсиндә иштирак едән шәхсләрин мадди-сосиал вәзијјәтинин јахшылашдырылмасы даим вәтәндаш ҹәмијјәтинин дә диггәт мәркәзиндәдир. Азәрбајҹан халгы хејирхаһлыг, фәдакарлыг вә һуманизм принсипләрини рәһбәр тутараг, тәмәннасыз көмәк әнәнәләрини давам етдирир, вәтәндашларымыз, хариҹи өлкәләрдә јашајан сојдашларымыз, саһибкарлар, һуманитар вә диҝәр тәшкилатлар шәһид аиләләринин вә һәрби әмәлијјат иштиракчыларынын зәрури еһтијаҹларынын тәмин едилмәсинә, мадди, тибби вә диҝәр сосиал хәрҹләринин өдәнилмәсинә јардым саһәсиндә һәмрәјлик нүмајиш етдирирләр. Азәрбајҹан Республикасы Конститусијасынын 109-ҹу маддәсинин 32-ҹи бәндини рәһбәр тутараг, шәһид аиләләринин вә һәрби әмәлијјатлар нәтиҹәсиндә әлиллији мүәјјән олунмуш шәхсләрин сосиал мүдафиәси саһәсиндә дөвләт тәрәфиндән һәјата кечирилән тәдбирләрә әлавә дәстәк верилмәси истигамәтиндә вәтәндаш ҹәмијјәти тәшәббүсләринин реаллашдырылмасы үчүн мүвафиг платформанын јарадылмасы, бу саһәдә шәффафлығын, һесабатлылығын вә иҹтимаи нәзарәтин тәмин едилмәси мәгсәдилә гәрара алырам: Азәрбајҹан Республикасынын әрази бүтөвлүјүнүн мүдафиәси илә әлагәдар јаралананларын вә шәһид аиләләринин тәминатына дәстәк фонду – “ЈАШАТ” Фонду јарадылсын".
342/
