АБНА24 Хәбәр Верир, Түркијә Президенти Рәҹәб Тајјиб Әрдоған телевизија илә мүраҹиәтиндә дејиб: "Һамамлар, сауналар, һовузлар, идман заллары чәршәнбә ахшамындан етибарән ишини дајандырыр. Тиҹарәт мәркәзләринә мәһдуд сајда инсанлары рәгәмсал шифрә илә бурахаҹаглар. Күчәләрдә инсанларын топлашмасы да мәһдудлашдырылаҹаг. Иш ҝүнләриндә 21.00-дан 05.00-дәк, еләҹә дә ҹүмә ахшамы 21.00-дан базар ертәси 05.00-дәк комендант сааты тәтбиг олунаҹаг. Дөвләт мүәссисәләри 10-дан 16-дәк ишләјәҹәк". Әрдоған әлавә едиб: "Сон сынама мәрһәләсини кечмиш бүтүн ваксинләри тәдгиг едирик. Бүтүн вәтәндашларымызын пулсуз пејвәндләнмә имканы олаҹаг. Ваксинасија ҝәлән ајдан башланаҹаг. Артыг 50 милјон доза ваксин сифариш етмишик". Түркијәнин Сәһијјә назири Фаһреттин Коҹа билдириб ки, коронавирус пандемијасы Түркијәнин бир сыра бөлҝәләриндә, еләҹә дә Истанбулда үчүнҹү пик һәддинә чатыб. Сон һәфтә әрзиндә коронавируса јолухма вә ҸОВЫД-19-дан өлүм фактлары үзрә рекорд ҝөстәриҹиләр бир-бирини әвәзләјиб. Дүнән Түркијә јенә антирекорду тәзәләјиб - ҸОВЫД-19-дан 188 хәстә өлүб. Бир ҝүн әрзиндә 31219 јени јолухма факты ашкарланыб. Индијәдәк Түркијәдә 13746 нәфәр ҸОВЫД-дән дүнјасыны дәјишиб. 5190 хәстәнин вәзијјәти ағырдыр.
342/
