АБНА24 Хәбәр Верир, Ираг Силаһлы Гүввәләринин Баш Команданлығынын мәтбуат катиби Јәһја Рәсул дејиб: "Сон ајларда Һәшдүш-Шәби гүввәләри бир нечә әмәлијјатда чохлу сајда террорчуну пусгуја салараг, тутублар. Бу террорчулар ИШИД үнсүрләриндән, хариҹи вәтәндашлардан вә бәзиси дә суријалылардан ибарәт идиләр". "605 километр саһәси олан Сурија илә Ираг сәрһәдинин бәзи һиссәләри Һәшдүш-Шәби гүввәләринин хүсуси вә өнләјиҹи әмәлијјатлары вә диҝәр һиссәләри дә Ираг ордусу васитәсилә контрол едилир вә бүтүн бу гүввәләр силаһлы гүввәләрин баш команданы Мустафа Әл-Казиминин рәһбәрлији вә мүдафиә назири вә орду гәрарҝаһынын сәдринин нәзарәти алтында сәрһәд золағында тәһлүкәсизлији мөкәмләндирирләр", -дејә Ираг рәсмиси гејд едиб. ИШИД террор груплашмасынын Ирагда мәғлуб олмасына бахмајараг, бу групун бир сыра үзвләри һәлә дә бу өлкәнин мүхтәлиф бөлҝәләриндәдирләр вә пәракәндә шәкилдә террор актлары һәјата кечирирләр.
342/
