АБНА24 Хәбәр Верир, Бу ҝүн сәһәр саат 3-30 дәгигәдә, нүвә анлашмасынын әлдә олунмасынын бешинҹи илдөнүмүндә Ирана гаршы силаһ мәһдудијјәтләри автоматик сурәтдә баша чатды. Беләликлә, Ирандан силаһ ихраҹаты вә Ирана силаһ идхалатына гојулмуш мәһдудијјәтләр ләғв олунду, һәмчинин 2231 сајлы гәтнамә сијаһысындакы 23 нәфәрин сәфәр мәһдудијјәти баша чатды. Бу мәһдудијјәтләрин ләғви елә бир һалда баш верибдир ки, Америка онларын давам етмәси үчүн сон ајлар чох сәј ҝөстәрди вә бу истигамәтдә бир гәтнамә лајиһәсини дә БМТ Тәһлүкәсизлик Шурасына тәклиф етди ки, он бир тәрәфсиз сәс, АБШ вә Доминикан Республикасынын ики леһинә, Русија вә Чинин исә ики әлејһинә сәси илә гәбул едилмәди вә Америка јенә дә накам галды. БМТ Тәһлүкәсизлик Шурасынын 2007-ҹи ил март тарихли 1747 сајлы гәтнамәсинә әсасән, Иранын баллистик ракетләринин инкишаф етдирилмәси програмына гаршы санксијалар гәбул, Ирана һәр ҹүр силаһ идхалаты вә Ирандан һәр ҹүр силаһ ихраҹаты да гадаған олунду. Ондан сонра, јәни 2010-ҹу илин 9 ијун тарихиндә БМТ Тәһлүкәсизлик Шурасында 1929 сајлы гәтнамә гәбул едилди. Она әсасән, бүтүн өлкәләр һәр ҹүр танк, зиреһли автомобил, һәрби тәјјарә, һәрби сурсат вә онларла әлагәдар һиссәләрин Ирана көчүрүлмәсиндән чәкинмәли идиләр.
342/
