АБНА24 Хәбәр Верир, Азәрбајҹан Мүдафиә Назирлијиндән верилән мәлумата әсасән, Октјабрын 14-дә саат 01:00 радәләриндә Ермәнистан Республикасы тәрәфиндән Азәрбајҹанын ишғал олунмуш Кәлбәҹәр рајону илә јахын сәрһәд зонасында бир нечә әмәлијјат-тактики баллистик ракет комплексинин старт мөвгејиндә јерләшдирилмәси мүшаһидә олунуб. Бу әразидәки ракет комплексләри Азәрбајҹанын Ҝәнҹә, Минҝәчевир вә диҝәр шәһәрләриндәки динҹ әһали вә инфраструктура доғру һәдәфләниб. Октјабрын 11-дә Ермәнистан тәрәфиндән Ҝәнҹә шәһәриндә төрәдилмиш һәрби ҹинајәтә бәнзәр нөвбәти һадисәнин тәкрарланмамасы вә ракет һүҹумунун гаршысынын алынмасы мәгсәдлилә Азәрбајҹан Ордусу тәрәфиндән габаглајыҹы тәдбирләр ҝөрүлүб. Нәтиҹәдә атәш үчүн һазырлыг вәзијјәтинә ҝәтирилән әмәлијјат-тактики ракет комплексләри леҝитим һәрби һәдәф кими Азәрбајҹан Ордусу тәрәфиндән зәрәрсизләшдирилиб. Азәрбајҹан Мүдафиә Назирлији билдириб ки, вәзијјәтин ҝәрҝинләшдирилмәсинә ҝөрә бүтүн мәсулијјәт Ермәнистанын һәрби-сијаси режиминин үзәринә дүшүр.
342/
