АБНА24 Хәбәр Верир, Түркијә ХИН бир бәјанат јајараг дејиб: "Азәрбајҹан Ермәнистана сон дәфә шанс вериб" АПА-нын јерли бүросунун мәлуматына ҝөрә бәјанатда гејд олунуб ки, 27 сентјабр 2020-ҹи илдә Ермәнистан тәрәфиндән башлајан силаһлы гаршыдурмаларда Азәрбајҹан 30 ил ишғал алтында олан торпагларыны өз имканлары вә өзүнә инамы илә ҝери ала биләҹәјини бүтүн дүнјаја сүбут едиб: “Бу мүддәт әрзиндә дүнјанын һәр јериндән һуманитар сәбәбләрдән атәшкәс елан олунмасы истәнилиб. Буна ҝөрә дә Азәрбајҹан Ермәнистана сон бир шанс вериб”. Бәјанатда бу атәшкәсин һуманизм әсаслары илә әсирләрин вә ҹәназәләрин дәјишдирилмәси мәгсәдилә елан едилдији билдирилиб: “Анҹаг бу аддым башланғыҹ үчүн ваҹиб бир фәалијјәт олса да, проблемин даими һәллини әвәз етмәјәҹәк”. “Түркијә әввәлдән дә Азәрбајҹанын разылыг верәҹәји һәлл јолуну дәстәкләдијин бәјан едиб, бу принсипинә дә садиг галараг һәм дөјүш мејданында, һәм дә сијаси данышыглар масасында Азәрбајҹанын јанында олмаға давам едәҹәк”, - дејә бәјанатда билдирилиб.
342/
