АБНА24 Хәбәр Верир, Ислам Ингилабынын Бөјүк Рәһбәринин Бејнәлхалг мәсәләләр үзрә мүшавири Әли Әкбәр Вилајәти Теһранда нәшр едилән "Кејһан" гәзетинә вердији мүсаһибәдә, Иранын, Ермәнистан тәрәфиндән ишғал едилмиш торпагларын Азәрбајҹан Республикасына гајтарылмасынын тәрәфдары олдуғуну бәјан едәрәк, әлавә едиб: "Иран истәнилән тәрәфин һәр һансы бир һәрби әмәлијјат кечирмәсинә гаршыдыр, чүнки Ермәнистанла Азәрбајҹан Республикасы арасында баш верән мүһарибәнин удузан тәрәфи халгдыр". Вилајәти, Иран Ислам Республикасынин бу ики өлкә арасында сүлһүн бәргәрар едилмәси вә васитәчилик үчүн һеч бир јардымдан әсирҝәмәјәҹәјини вурғулајыб. Ислам Ингилабынын Бөјүк Рәһбәринин Бејнәлхалг мәсәләләр үзрә мүшавири, һәмчинин Ермәнистанла Азәрбајҹан Республикасынын бејнәлхалг сәрһәдләрә гајытмасына даир БМТ-нин гәтнамәләринә тохунараг, гејд едиб ки, әрази бүтөвлүјү БМТ низамнамәсинин принсипләриндән биридир вә Иранда БМТ-јә үзв өлкәләрдән бири олараг, бу принсипә тәкид едир.
342/
