АБНА24 Хәбәр Верир, Иранын хариҹи ишләр назири Мәһәммәд Ҹавад Зәриф дүнән ҝеҹә Москваја дахил оларкән, мүхбирләрә вердији ачыгламада дејиб: "Сон нечә ај әрзиндәки чәтин мәрһәләләрдә Әһатәли Мүштәрәк Тәшәббүс Програмы илә бағлы Русија һөкумәти вә онун БМТ-дәки нүмајәндәлији Чин илә јанашы Тәһлүкәсизлик Шурасында ән јахшы мөвгеји сәрҝиләдиләр вә АБШ-ын ганун позунтулары гаршысында апарыҹы рол ојнадылар". Иранын дипломатија апаратынын рәһбәри реҝионун ҹидди проблемләрлә үзләшдијини бәјан едәрәк, әлавә едиб: "Сурија мәсәләси һәлә дә бир дилемма олараг, Иран вә Русија арасында әмәкдашлыға еһтијаҹлыдыр". Мәһәммәд Ҹавад Зәриф Иран илә Русија арасында мүхтәлиф мәсәләләр, о ҹүмләдән Әһатәли Мүштәрәк Тәшәббүс Програмы, икитәрәфли, реҝионал вә бејнәлхалг мөвзулар барәдә сијаси мәсләһәтләшмәләр апармаг үчүн дүнән ҝеҹә Русијанын пајтахты Москваја дахил олуб.
342/
