АБНА24 Хәбәр Верир, Азәрбајҹан Республикасы Баш Назиринин мүавини Шаһин Мустафајев Иран Ислам Республикасынын Азәрбајҹанда јени тәјин олунмуш фөвгәладә вә сәлаһијјәтли сәфири Сејид Аббас Мусәви илә ҝөрүшүб. Азәрбајҹан Республикасы Назирләр Кабинетинин мәтбуат хидмәтиндән верилән мәлумата ҝөрә, ҝөрүшдә Азәрбајҹанла Иран арасында сијаси, игтисади, мәдәни, енерҝетика вә диҝәр саһәләрдә достлуг вә гоншулуг мүнасибәтләринин уғурла инкишаф етдији вурғуланыб, икитәрәфли әлагәләрин бундан сонра да мөһкәмләнәҹәјинә әминлик ифадә олунуб. Сөһбәт заманы коронавирус пандемијасы илә мүбаризә саһәсиндә һәр ики өлкәдә һәјата кечирилән тәдбирләр мүзакирә едилиб. Ејни заманда, пандемија дөврүндә Азәрбајҹанла Иран арасында транзит-нәглијјат саһәсиндә әмәкдашлыгдан, о ҹүмләдән “Шимал-Ҹәнуб” Бејнәлхалг Нәглијјат Дәһлизи үзрә дашымаларын давам етдирилмәсиндән мәмнунлуг ифадә едилиб, бу истигамәтдә әмәкдашлығын перспективләри әтрафында фикир мүбадиләси апарылыб.
342/
