АБНА24 Хәбәр Верир, Британија, Франса вә Алманија ҹүмә ҝүнү БМТ Тәһлүкәсизлик Шурасына бир мәктуб үнванлајараг, 20 сентјар тарихиндән сонра санксијаларын дондурулмасынын давам етдирилмәси ваҹиблијини вурғулајыб вә гејд едибләр ки, Ирана гаршы санксијалары бәрпа етмәјә даир истәнилән гәрар вә ја һәрәкәт гануни ҹәһәтдән јетәрли дејил. Авропа Тројкасы бу мәктубда Иранла нүвә анлашмасына садиг галаҹағыны вурғулајыб. АБШ БМТ Тәһлүкәсизлик Шурасында Ирана гаршы силаһ ембаргосунун мүддәтинин узадылмасына даир ирәли сүрдүјү санксија лајиһәсинин мәғлубијјәтә уғрамасындан сонра вә Иранла нүвә анлашмасындан ганунсуз шәкилдә чыхмасына бахмајараг, тәкҹә бу разылашманын иштиракчылары үчүн кечәрли олан санксијаларын автоматик ҝери гајтарылмасы механизминдән Ирана гаршы БМТ санксијаларыны бәрпа етмәк үчүн истифадә етмәк нијјәтиндәдир. Бу јахынларда Авропа үчлүјү, Чин вә Русија да бирҝә бәјанат јајараг, АБШ-ын Әһатәли Мүштәрәк Тәшәббүс програмындан биртәрәфли вә ганунсуз шәкилдә чыхмасына тохунараг, Вашингтонун БМТ Тәһлүкәсизлик Шурасынын 2231 сајлы гәтнамәсинә әсасән, Ирана гаршы санксијаларын бәрпасы механизминдән истифадә етмәк һүгугунун олмадығыны вурғулајыблар.
342/
