АБНА24 Хәбәр Верир, Урсула фон дер Лејен Авропа Парламентиндәки чыхышында дејиб: “Түркијә ваҹиб бир гоншудур вә һәмишә белә галаҹаг. Ҹоғрафи ҹәһәтдән чох јахын олсаг да, арамыздакы мәсафә ҝетдикҹә артыр”. Авропа Комиссијасынын сәдри әлавә едиб: “Милјонларла мигранта ев саһиблији едир. Буна ҝөрә дә АБ Түркијәјә әһәмијјәтли дәрәҹәдә игтисади јардым ҝөстәрир. Анҹаг Анкаранын гоншуларыны горхутмаг ҹәһдләри јолверилмәздир. Кипр вә Јунаныстан гануни суверен һүгугларыны горумаг үчүн һәр заман Авропа һәмрәјлијинә етибар едә биләрләр”. Гејд едәк ки, Франса, бөлҝәдә һәрби ҝәмиләр вә дөјүшчүләрини јерләшдирәрәк Јунаныстана дәстәјини ачыг шәкилдә ҝөстәриб; бу да Анкаранын кәскин реаксијасына сәбәб олуб. Ҝәрҝинлијин мәркәзиндә олан Түрк кәшфијјат ҝәмиси нәһајәт базар ҝүнү Түркијә саһилләринә гајыдыб, вә ҝүман олур ки бу һәрәкәт ики өлкә арасындакы ҝәрҝинлији азалда биләр. фон дер Лејен әлавә олараг дејиб: "Бу дүзҝүн истигамәтдә бир аддымдыр вә сөһбәтләр үчүн зәмин јарадыр." Түркијәнин санксија тәһдиди илә Шәрги Аралыг дәнизиндәки бөһран, 24 вә 25 сентјабр тарихләриндә Брүсселдә кечириләҹәк Авропа Саммитинин ҝүндәминдәдир.
342/
