АБНА24 Хәбәр Верир, Һәмас Вә Ҹиһад һәрәкатынын јүксәк рүтбәли лидерләри сон ики һәфтә әрзиндә икинҹи дәфә олараг, Бејрутда ҝөрүш кечирибләр. Ислами Ҹиһад Һәрәкаты бир бәјанатда елан едиб ки, бу һәрәкатын баш катиби Зијад Әл-Нәхалә диҝәр рәсмиләрин иштиракы илә Һәмас-ын сијаси бүросунун рәһбәри Исмаил Һәнијјәнин башчылыг етдији Фәләстин Ислами Мүгавимәт Һәрәкатынын јүксәк вәзифәли рәсмиләриндән ибарәт нүмајәндә һејәтини гәбул едиб. Сөзү ҝедән бәјаната әсасән, бу ҝөрүшдә Фәләстин мәсәләси вә онун әтрафындакы тәһлүкәләр барәдә фикир мүбадиләси апарылыб. Бу ҝөрүшдә Фәләстинин бирлији, милли барышығын тамамланмасы вә ҹари милади ајынын әввәлиндә кечирилән Фәләстин групларынын баш катиб сәвијјәсиндә иҹласында чыхарылан гәрарларын практики уғурлары, һәмчинин ишғалчы сионист режимә гаршы мүгавимәтин ҝүҹләндирилмәси ваҹиблији вурғуланыб. Бу иҹласда Һәмас вә Ҹиһад һәрәкатларынын мөвгеләри вә аддымлары арасындакы аһәнҝдарлығын ҝүҹләндирилмәси јоллары да арашдырылыб.
342/
