АБНА24 Хәбәр Верир, буну Иран Ислам Республикасынын Ирагдакы сәфири Ирәҹ Мәсҹиди бу илки "Әрбәин" мәрасими илә бағлы сорғулара ҹаваб олараг дејиб. Ирәҹ Мәсҹиди бу илки "Әрбәин" мәрасими һагда бир бәјанат јајыб: "Бу ил коронавирус инфексијасынын јајылмасы вә зәвварларын сағламлығынын тәмин едилмәси кими мәсәләләри нәзәрә алараг, индијә кими Ираг рәсмиләри тәрәфиндән Иран вә ја һансыса диҝәр өлкәдән хариҹи зәвварларын Ирага бурахылмасына даир һеч бир гәрар гәбул едилмәјиб. Вә Ираг һөкумәти бу ил һеч бир хариҹи зәввары гәбул етмәјәҹәк." Иран сәфири әлавә едиб: Тасуа вә Ашура ҝүнләриндә олдуғу кими "Әрбәин" ҝүнү дә Ираг шәһәрләриндә мәрасимләр кечириләҹәк. Амма, бу дахили бир мәсәләдир вә Ираг һөкумәти бу мәсәләдә һансыса рола малик дејил. И.Мәсҹиди "Әрбәин"ә чох аз заманын галдығыны вә Ираг һөкумәтинин мәрасимин кечирилмәмәсинә даир мөвгејинин дәјишмәдијини нәзәрә алараг, бу ил "Әрбәин" мәрасиминин кечирилмәјәҹәјини дејиб.
342/
