АБНА24 Хәбәр Верир, Ингилаб Рәһбәринин иштиракы илә дүнја шиәләрин дөрдүнҹү Имамы, Имам Сәҹҹад (ә)-ын шәһадәтинин илдөнүмү мүнасибәти илә имам Хомејни (р.ә) адына һүсејнијјәдә әзадарлыг мәрасими кечирилиб. Бәзи рәвајәтләрә ҝөрә, бу ҝүн 1442-ҹи һиҹри гәмәри или Мәһәррәм ајынын 25-и, 2020-ҹи милади или сентјабрын 14-ү Имам Һүсејн(ә)-ын "сәҹҹад" ләгәбли өвлады вә Аллаһ Рәсулунун (с.ә.с) пак нәвәси, Имам Зејнүл-Абидин(ә)-ын шәһадәтинин илдүнүмү ҝүнүдүр. Имам Зејнүл-Абидин шиәләрин дөрдүнҹү Имамы 38-ҹи һиҹри гәмәри или Мәдинә шәһәриндә дүнјаја ҝөз ачыб. О, Һәзрәт елә бир дөнәдә јашыјыбдыр ки, Ислам пејғәмбәри (с.ә.с) әһли-бејтинә чох чәтин кечирди. Кәрбәла һадисәсиндә хәстә јатағында олан Имам Сәҹҹад (ә) Имам Һүсејнин (ә) бөјүк һәрәкатындан сонра Ашура һадисәсинин мүраҹиәтини јајмаг вә әзиз атасынын јолуну давам етдирмәкдә ағыр мәсулијјәти үзәринә ҝөтүрбдүр вә бу гијамын маһијјәти вә әһәмијјәтинин ҝөстәрилмәси истигамәтиндә бөјүк сәј ҝөстәриб. Шиәләрин дөрдүнҹү Имамы Ислам мәдәнијјәти вә сивилизасијасынын әсасынын гојулмасында вә әсл Гуран тәлимләринин јајылмасында да сәј ҝөстәриб вә өзүнәмәхсус мүдриклији илә Гуран вә Ислам Пејғәмбәри(с.ә.с)-ин сүннәсини горумаг үчүн мүсәлман алимләр јетишдириб. О Һәзрәт лајиг инсанлары топлајараг, онлара дини тәлимләр кечирди белә ки, тарихин рәвајәтинә әсасән, о Һәзрәтин ҝөркәмли шаҝирдләри 170 нәфәрдән чох олубдур. Имам Сәҹҹадын (ә) мүсәлманлар үчүн диҝәр бир дәјәрли ирси дә "Сәһифеји-Сәҹҹадијјә" адлы бир китабдыр. Бахмајараг ки, бу китаб дуа вә Аллаһа јалварышлардан ибарәт бир китабдыр, Лакин бир чох Ислам, ирфан вә әхлаг елмләри вә маарифләрини, дини еһкам вә ганунлары, һәмчинин һәссас сијаси, сосиал, әхлаги вә тәрбијәви мәсәләләри дә өзүндә еһтива едибдир. АБНА24 Хәбәр Верир, каналынын редаксијасы адындан Имам Сәҹҹадын (ә) шәһадәтинин илдөнүмү ҝүнү мүнасибәтилә бүтүн дүнја мүсәлманларына, хүсусилә шиәләрә башсағлығы веририк.
342/
