АБНА24 Хәбәр Верир, Әрәб Лигасынын хариҹи ишләр назирләри иҹласы бәзи назирләрин саботажларына ҝөрә, әрәб өлкәләринин ишғалчы сионист режимлә һәр ҹүр сазишини писләјән гәтнамә гәбул етмәкдә уғурсуз галыб. Әрәб Лигасынын иҹласында бир груп әрәб өлкәси әмирликләрин сионист режимлә мүнасибәтләринин адиләшдирилмәсинә гаршы Фәләстинин тәгдим етдији гәтнамә лајиһәсини уғурсуз гојду. Бу гәтнамә лајиһәсиндә дејилир: Әмирликләр-Америка-сионист режим үчтәрәфли сазиши әрәбләрин Фәләстин мәсәләси барәдәки үмуми рәјинә зәрбә вура билмәз. АБШ президенти Доналд Трампын әмирликләрлә сионист режим арасындакы мүнасибәтләри адиләшдирмәк просесини асанлашдырмаг үзрә сәјләринин ардынҹа августун он үчүндә Әбу-Дәби вә Тәл-Әвив дипломатик мүнасибәтләрин там шәкилдә адиләшдирилмәси барәдә сазишә ҝәлдиләр. Әмирликләрин сионист режимлә мүнасибәтләри адиләшдирмәк үзрә һәрәкәти бир чох ислами өлкә вә фәләстинли мүгавимәт групу тәрәфиндән писләнибдир. Әмирликләрлә сионист режим арасында мүнасибәтләрин адиләшдирилмәси сазишинин имзаланмасы мәрасими ҝәлән һәфтәнин чәршәнбә ахшамы ҝүнү Ағ Ев-дә кечирилмәлидир.
342/
