АБНА24 Хәбәр Верир, Сејјид Һәсән Нәсруллаһ дејиб:, Америка, Гәрб өлкәләри вә бәзи әрәб өлкәләри бөлҝәнин дахили ишләринә гарышырлар. Нәсруллаһ, американлара хитабән дејиб: Нә үчүн сизин һамыныз өлкәләрин ишләринә мүдахилә һаггына маликсиниз вә әдаләтсизлик төрәдирсиниз? Лакин нә бизим, нә дә ки, башгаларынын өз реҝионумузун халгларына көмәк етмәјә һаггымыз јохдур? Ливан Һизбуллаһынын баш катиби даһа сонра сөјләјиб: Америка мүһарибә сала билир вә өзүнә Јәмәндә вә диҝәр јерләрдә ушагларын сүмүкләрини сындырмаг һаггы верир, амма бир кәсин бу тәҹавүзүн писләнилмәси һагда һәтта бир сөз сөјләмәјә белә, һаггы јохдур. Нәсруллаһ сонра Американы дүнја халглары үчүн ән бөјүк проблем, һәмчинин бејнәлхалг сүлһ вә тәһлүкәсизлик үчүн ән бөјүк тәһдид һесаб едиб. Ливан Һизбуллаһынын баш катиби һәмчинин сионист режими реҝионда әсл бәла адландырыб вә белә дејиб: Әҝәр бир кәс бу режимлә мүбаризә апармаг истәјәрсә, Фәләстин өлкәси вә халгынын тарихиндән аҝаһ олмалыдыр.
342/
