АБНА24 Хәбәр Верир, Һизбуллаһын баш катиби мүсәлманлары вә Ливан халгыны тарихи дәгиг вә сәтһи дүшүнҹәдән узаг бир шәкилдә охумаға дәвәт едиб, тарихи дүзҝүн охумамағын анлашылмазлыға сәбәб олаҹағыны сөјләјиб вә сионист режимин неҹә гурулдуғуну изаһ едиб. Сејид Һәсән Нәсруллаһ сионист дүшмәнлә үзләшмәк үчүн Фәләстинин тарихини вә тарихи Фәләстин торпағына ајаг басан тәҹавүзкарларын тарихини билмәјин ваҹиб олдуғуну билдириб: “Бу хәрчәнҝлә, сионист режимлә неҹә мүбаризә апараҹағыны билмәк үчүн Фәләстинин јүзләрлә иллик тарихини билмәлисиниз вә онларын ҝүҹлү вә зәиф тәрәфләрини билмәлисиниз. Онлар (сионистләр) дағыдыҹы ишғал планларыны дин бајрағы алтында һәјата кечирдиләр”. Сејид Һәсән Нәсруллаһ БӘӘ илә сионист режим арасында нормаллашма сазишинин елан едилмәсинин вә бөлҝәдә тәзјиг вә мүһасирәнин һәјата кечирилмәсинин мәгсәдинин Фәләстин халгынын сионистләрин тәләбләринә табе олмалары олдуғуну сөјләјиб: “Бәзи әрәбләр сионистләрин Фәләстиндә дини һаггы олдуғуна инанырлар, лакин онларындаһа чох сечимләри вар иди вә онлар Уганда илә Арҝентинада бир өлкә гура биләрдиләр ки, буну јалныз Фәләстиндә етдиләр. Бу да бунун сырф сијаси мәсәлә олдуғуну ҝөстәрир”. Һизбуллаһын лидери бәшәр тарихиндә көләлијин ән пис формасынын һал-һазырда Америка Бирләшмиш Штатларынын олдуғу јердә гејдә алындығыны билдириб. “Әслиндә, АБШ вәһши вә иргчи бир өлкәдир. Инсан һүгугларыны танымасыны вә ја һөрмәт етмәсини вә бизә инсан һүгуглары дәрсләри вермәсини ҝөзләмирик”, - дејә Сејид Һәсән Нәсруллаһ билдириб. Һизбуллаһын баш катиби, һәмчинин Британија һөкумәтини сионистләрин хидмәтчиси адландырыб вә Британија һөкумәтинин сионистләрин мүстәмләкә мәгсәдләринә чатмагда гәрарлы олдуғуну билдириб. Сејид Һәсән Нәсруллаһ Мәккәнин фәтһ олунмасы һекајәсинә тохунараг дејиб ки, Мәккәнин фәтһ олундуғу ҝүндә Пејғәмбәр (с) бөјүк әхлагы илә мүхалифләрә вә мүшрикләрә “Ҝедин, сиз азад олдунуз” деди. Анҹаг бу инсанларын (Туләга) өвладлары даһа сонра Кәрбәладакы тәнһа нәвәсини мүһасирәјә алдылар вә тәһдид етдиләр. Сејид Һәсән Нәсруллаһ Кәрбәла дастаныны дәрк едәнләрин бу ҝүн бизим үчүн нүмунә олдугларыны сөјләјәрәк белә дејиб: “Чәтин ҝүнләрдә сәбирли олмаг вә һадисәләрдән горхмамаг бизим үчүн јахшы бир нүмунәдир. Тарихимиз нәҹиб вә ҝөркәмли шәхсијјәтләрлә вә һәјатда өјрәнә биләҹәјимиз вә нүмунәрләрлә долудур”. Һизбуллаһын баш катиби коронавирус епидемијасынын өлкәдәки вәзијјәти илә әлгәдар олараг, әввәлки илләрдә олдуғу кими јас мәрасимләринин кечирилмәсинин мүмкүнсүзлүјүнә тохунараг, шиәләри ҝиҝијена гајдаларына әмәл етмәјә вә Мәһәррәмлијә диггәтлә јанашмаға чағырыб.
342/
