АБНА24 Хәбәр Верир, Һәсән Руһани Ливан президенти Мишел Оун илә телефон данышығында Иранын дөвләти вә халгынын Ливанын һөкумәти вә халгынын кәдәринә шәрик чыхдыгларыны билдириб. Дејиб ки, Бејрут лиманындакы партлајыш һадисәси иранлылар үчүн чох кәдәрли олуб вә Иран халгы Ливан халгынын кәдәринә шәрикдир. О, дејиб: Иранын хариҹи ишләр вә сәһијјә назирләринә, һәмчинин Гырмызы Ајпара Ҹәмијјәтинин сәдринә тапшырылыбдыр, өз ливанлы һәмкарлары илә ардыҹыл шәкилдә әлагә сахласынлар ки, дост вә гардаш өлкәмиз олан Ливанын вә онун халгынын һәр ҹүр еһтијаҹына сүрәтлә ҹаваб верә вә јардым ҝөстәрә билмиш олаг. Бу телефон сөһбәтиндә Иран президенти ЛИван президентинә әминлик верибдир ки, Ливан һәр ҹүр јардым вә дәстәјә еһтијаҹ дујан заман Ираны өз јанында ҝөрәҹәк вә Иран халгы Ливан халгына һеч бир көмәји әсирҝәмәјиб вә әсирҝәмәјәҹәкдир. Ливан президенти Мишел Оун да бу телефон сөһбәтиндә Иранын дөвләти вә халгынын Бејрут лиманы һадисәсилә бағлы һәмдәрдлик ифадә етмәләринә ҝөрә тәшәккүр едәрәк, дејиб ки, Ливан халгы даима Иранын дөвләти вә халгынын диггәти вә мәһәббәтинә ҝөрә тәшәккүр едиб вә едир. Ливан президенти сөјләјиб: Бу һадисәнин бүтүн ҹәһәтләринин вә еһтијаҹ дујулан јардымларын арашдырылмасы вахт апараҹаг, амма тарих шаһиддир ки, һәр заман Ливан јардыма еһтијаҹ дујубдурса, Иран һеч бир јардымы әсирҝәмәјиб вә биз бу ҹәһәтдән миннәтдарыг.
342/
