АБНА24 Хәбәр Верир, мәлуматына ҝөрә бу сөзләри Иранын мүдафиә назири дејиб. Иран Ислам Республикасынын мүдафиә назири дејиб: Мүдафиә Назирлијинин мүдафиә технолоҝијалары тамамилә јерли автомобил истеһсалчылары, һава, дәниз вә дәмирјолу нәглијјаты секторлары, һәмчинин информасија технолоҝијалары, рабитә сектору, еләҹә дә өлкәнин диҝәр секторларынын хидмәтиндәдир. Иран Ислам Шурасы Мәҹлисинин сәнаје вә мәдән комиссијасынын иҹласында чыхыш едәнИранын мүдафиә назири ҝенерал-мајор Әмир Һатәми реҝион вә дүнја сәвијјәсиндә Иранын мүдафиә гүдрәтинин јерини шәрһ вә бәјан едәрәк, дејиб: Дүнја империализминин гәддарҹасына санксијаларына рәғмән, Иран Ислам Республикасы өлкәнин мүдафиә бүнөврәсинин ҝүҹләндирилмәси саһәсиндә тәгдирәлајиг ирәлиләјишләрә наил олубдур. «Косәр» типли модерн реактив тәлим тәјјарәләринин дүзәлдилмәси вә истеһсалына тохунан ҝенерал Һатәми сөјләјиб: Иранын Мүдафиә Назирлији «Биз баҹарарыг!» стратеҝијасы илә, һәмчинин дахили вә јерли имканлара әсасән, бүтүн ракет, һава һүҹумундан мүдафиә, електрон, дәниз, һава вә гуру дөјүшләри саһәләриндә силаһлы гүввәләрин реал еһтијаҹларыны тәмин едә билибдир.
342/
